തലശേരി: എടക്കാട് പൊലിസ് സ്റ്റേഷൻ പരിധിയിലെ തോട്ടടയിൽ മാരക മയക്കുമരുന്ന് പിടികൂടി, പ്രതികൾ രക്ഷപ്പെട്ടു. തോട്ടട അമ്മൂപറമ്പിൽ വച്ചാണ് മാരക മയക്കുമരുന്നായ എംഡിഎംഎ പൊലീസ് പിടികൂടിയത്. മയക്കുമരുന്നുമായെത്തിയ പ്രതികൾ പൊലീസിനെ കണ്ട് മയക്കു മരുന്ന് ഉപേക്ഷിച്ച് ഓടി രക്ഷപ്പെട്ടു. രഹസ്യവിവരത്തെ തുടർന്ന് ഇന്നലെ വൈകുന്നേരമായിരുന്നു പൊലീസ് ഇവിടെ പരിശോധനയ്ക്ക് എത്തിയത്. പത്തുഗ്രാം എംഡിഎംഎ സംഭവസ്ഥലത്ത് നിന്ന് പൊലീസ് കസ്റ്റഡിയിലെടുത്തിട്ടുണ്ട്.