മലയാളി എൻജിനീയേഴ്‌സ് അസോസിയേഷൻ ഇൻ നോർത്ത് അമേരിക്ക പുതുവത്സര കൂട്ടായ്മ ജനുവരി രണ്ടിന്
ഷിക്കാഗോ: മലയാളി എൻജിനീയേഴ്‌സ് അസോസിയേഷൻ ഇൻ നോർത്ത് അമേരിക്ക (മീന) ഒരുക്കുന്ന പുതുവത്സര കൂട്ടായ്മയും, ഇരുപത്തഞ്ചാം വാർഷികോത്സവ ഉദ്ഘാടനവും ജനുവരി രണ്ടിന് ശനിയാഴ്ച വൈകിട്ട് 5.30-ന് നടത്തപ്പെടുന്നു. നീണ്ട ഇരുപത്തഞ്ച് വർഷത്തെ അനുഭവസമ്പത്തും, പ്രവർത്തന പരിചയവും, നേട്ടങ്ങളുമായി മീന ഈ പുതുവത്സരത്തിൽ നൂതനമായ
ഷിക്കാഗോ: മലയാളി എൻജിനീയേഴ്‌സ് അസോസിയേഷൻ ഇൻ നോർത്ത് അമേരിക്ക (മീന) ഒരുക്കുന്ന പുതുവത്സര കൂട്ടായ്മയും, ഇരുപത്തഞ്ചാം വാർഷികോത്സവ ഉദ്ഘാടനവും ജനുവരി രണ്ടിന് ശനിയാഴ്ച വൈകിട്ട് 5.30-ന് നടത്തപ്പെടുന്നു. നീണ്ട ഇരുപത്തഞ്ച് വർഷത്തെ അനുഭവസമ്പത്തും, പ്രവർത്തന പരിചയവും, നേട്ടങ്ങളുമായി മീന ഈ പുതുവത്സരത്തിൽ നൂതനമായ സാമൂഹിക പ്രവർത്തനത്തിൽ കൂടുതൽ ശ്രദ്ധ പതിപ്പിക്കാൻ ആഗ്രഹിക്കുന്നു.
വടക്കേ അമേരിക്കയിൽ സാമ്പത്തിക- തൊഴിൽ അവസരങ്ങൾ വർദ്ധിച്ചുവരുന്ന സാഹചര്യത്തിൽ വിവിധ മേഖലയിലുള്ള എൻജിനീയർമാരെ കോർത്തിണക്കി പരസ്പര ബന്ധങ്ങൾ ശക്തിപ്പെടുത്തുന്നതിനും പ്രൊഫഷണൽ രംഗങ്ങളിൽ അന്യോന്യം സഹായിക്കുന്നതിനുമുള്ള വേദി മീന ഒരുക്കുന്നു. രജതജൂബിലി വർഷം മുഴുവൻ നീണ്ടുനിൽക്കുന്ന ആഘോഷ പരിപാടികളും, ഹ്രസ്വ കാലത്തേക്കും ദീർഘകാലത്തേക്കുമുള്ള പ്രവർത്തന പദ്ധതികളും ചടങ്ങിൽ ചർച്ച ചെയ്യപ്പെടുന്നതാണ്.
വിനോദത്തിനും വിജ്ഞാനത്തിനും ഉതകുന്ന കലാപരിപാടികൾ, ശൃംഖലാ കൂട്ടായ്മ, വിരുന്നുസത്കാരം തുടങ്ങിയ പല സവിശേഷതകളുമുള്ള ഈ ആഘോഷം നേപ്പർവില്ലിലുള്ള വൈറ്റ് ഈഗിൾ ഹൗസിൽ (4265 White Eagle Drive, Naperville, IL 60564) വച്ച് നടത്തുന്നു. എല്ലാ എൻജിനീയർമാരേയും കുടുംബാംഗങ്ങളേയും സുഹൃത്തുക്കളേയും മീന ഭാരവാഹികൾ പ്രത്യേകം ക്ഷണിക്കുന്നു. കൂടുതൽ വിവരങ്ങൾക്ക്; ഏബ്രഹാം ജോസഫ് (പ്രസിഡന്റ്) 
847 302 1350 FREE, ഫിലിപ്പ് മാത്യു (സെക്രട്ടറി) 224 637 0068 FREE, സാബു തോമസ് (പി.ആർ.ഒ) 630 890 5045 FREE. പബ്ലിസിറ്റി കൺവീനർ സാബു തോമസ് അറിയിച്ചതാണിത്.
