തിരുവനന്തപുരം: സംസ്ഥാനത്ത് സ്വർണവിലയിൽ വൻ ഇടിവ് രേഖപ്പെടുത്തി. ഇന്ന് ഒരു പവൻ 22 കാരറ്റ് സ്വർണത്തിന്റെ വിലയിൽ 3440 രൂപയാണ് കുറഞ്ഞത്. ഇതോടെ സ്വർണവില 93,000 രൂപയ്ക്ക് താഴെയെത്തി. നിലവിൽ ഒരു പവൻ 22 കാരറ്റ് സ്വർണത്തിന്റെ വിപണി വില 92,320 രൂപയാണ്. ഏറ്റവും കുറഞ്ഞ പണിക്കൂലി, ജിഎസ്ടി, ഹാൾമാർക്കിങ് ചാർജ് എന്നിവ ഉൾപ്പെടെ ഇന്ന് ഒരു പവൻ സ്വർണാഭരണം വാങ്ങാൻ ഒരു ലക്ഷത്തിന് മുകളിൽ നൽകേണ്ടി വരും.

ഇന്നലെ ഉച്ചയ്ക്ക് ശേഷം മാത്രം 1600 രൂപയാണ് ഒരു പവന് കുറഞ്ഞത്. ഇതോടെ ഇന്നലെയും ഇന്നുമായി ആകെ 5,040 രൂപയുടെ കുറവാണ് സ്വർണവിലയിൽ ഉണ്ടായത്. ഇന്നലെ രാവിലെ സ്വർണവില സമീപകാലത്തെ ഏറ്റവും ഉയർന്ന റെക്കോർഡിലെത്തിയിരുന്നു.

ഒരു ഗ്രാം 22 കാരറ്റ് സ്വർണത്തിന്റെ ഇന്നത്തെ വില 11540 രൂപയാണ്. 18 കാരറ്റ് സ്വർണത്തിന് ഒരു ഗ്രാമിന് 9490 രൂപയും, 14 കാരറ്റ് സ്വർണത്തിന് 7400 രൂപയും, 9 കാരറ്റ് സ്വർണത്തിന് 4780 രൂപയുമാണ് വില. വെള്ളിയുടെ വിലയിലും ഇന്ന് നേരിയ കുറവുണ്ടായി. 5 രൂപ കുറഞ്ഞ് ഒരു ഗ്രാം വെള്ളിയുടെ വില 175 രൂപയായി.

അന്താരാഷ്ട്ര വിപണി നിരക്കുകൾ, ഇറക്കുമതി തീരുവകൾ, നികുതികൾ, വിനിമയ നിരക്കുകളിലെ ഏറ്റക്കുറച്ചിലുകൾ എന്നിവയെല്ലാം സ്വർണവിലയെ സ്വാധീനിക്കുന്ന പ്രധാന ഘടകങ്ങളാണ്. ഓൾ കേരള ഗോൾഡ് ആൻഡ് സിൽവർ മർച്ചന്റ് അസേസിയേഷൻ അന്താരാഷ്ട്ര വിലയെ അടിസ്ഥാനമാക്കിയാണ് കേരളത്തിലെ സ്വർണവില നിശ്ചയിക്കുന്നത്.

സ്വർണവിലകുറഞ്ഞുകേരളം

സ്വന്തം ലേഖകൻ