'കൊറോണക്കാലമല്ലെ; എങ്ങിനെ ധരിക്കണം മാസ്‌ക്; ഈ മിടുക്കൻ കുരങ്ങൻ കാട്ടിത്തരും....'; വീഡിയോ സോഷ്യൽ മീഡിയയിൽ വൈറൽ; 27 സെക്കന്റ് മാത്രം ദൈർഘ്യമുള്ള വീഡിയോ കണ്ടത് 20 ലക്ഷം പേർ
തിരുവനന്തപുരം: കോവിഡ് മഹാമാരിയെ ധീരമായി നേരിടുകയാണ് ലോകജനത. കൊറോണ വൈറസിന്റെ പുതിയ വകഭേദങ്ങൾ പടരുമ്പോഴും അതിജീവനത്തിന്റെ പാതയിലാണ് ജനങ്ങൾ. സാമൂഹിക അകലം പാലിച്ചും, പൊതു ഇടങ്ങളിൽ മാസ്‌ക് അണിഞ്ഞും പ്രതിരോധ കുത്തിവയ്പ് എടുത്തും കോവിഡ് പ്രതിസന്ധിയെ അതിജീവിക്കാനുള്ള ശ്രമത്തിലാണ് രാജ്യങ്ങൾ
ഒന്നല്ല ഡബിൾ മാസ്‌ക് ഉപയോഗിച്ചും സുരക്ഷിതത്വം തേടുന്നു. ഇന്ന് നമ്മുടെയൊക്കെ ജീവിതത്തിന്റെ ഭാഗമായി മാസ്‌കുകൾ മാറി കഴിഞ്ഞു. വൈറസിനെ അതിജീവിക്കാൻ മാസ്‌ക് ഏറ്റവും അത്യന്താപേക്ഷിതമാണ്. ഒരു തരത്തിൽപ്പറഞ്ഞാൽ ജീവിതത്തിന്റെ ഭാഗമായി മാറി എന്ന്തന്നെ പറയാം.
എന്നാൽ ഒരു കുരുങ്ങന് വഴിയിൽ നിന്നൊരു മാസ്‌ക് കളഞ്ഞുകിട്ടിയാൽ സംഭവിക്കുന്നത് എന്താകും അത്തരത്തിലൊരു രസകരമായ വീഡിയോ ആണ് ഇപ്പോൾ സോഷ്യൽ മീഡിയയിൽ വൈറലാകുന്നത്. ഒരു മിടുക്കൻ കുരങ്ങനാണ് വീഡിയോയിലെ താരം. വഴിയിൽ നിന്ന് കിട്ടിയ മാസ്‌കിനെ ഒരു സംശയവും കൂടാതെ തന്റെ മുഖത്ത് അണിയുന്ന കുരങ്ങനെയാണ് വീഡിയോയിൽ കാണുന്നത്.
If you've already seen a monkey find a mask and promptly put it on its face today then just keep on scrolling… pic.twitter.com/Lv3WpeukyS
- Rex Chapman???????? (@RexChapman) August 24, 2021
മനുഷ്യരുടെ മുഖത്ത് മാസ്‌ക് കണ്ട് മൃഗങ്ങൾ പോലും അത് എങ്ങിനെ കൃത്യമായി ധരിക്കണം എന്ന് മനസ്സിലാക്കി എന്നാണ് സോഷ്യൽ മീഡിയയിൽ പ്രചരിക്കുന്ന ഒരു വീഡിയോ ചൂണ്ടിക്കാട്ടുന്നത്....!
ഉല്ലസിച്ച് നടക്കുന്നതിനിടെ തികച്ചും അവിചാരിതമായാണ് കുരങ്ങൻ മാസ്‌ക് കണ്ടെത്തുന്നത്. മനുഷ്യരേക്കാൾ ഭംഗിയായി ശരിയായ വിധത്തിൽ കുരങ്ങ് ഉടൻ തന്നെ അത് ധരിക്കുന്നതായാണ് വീഡിയോയിൽ ദൃശ്യമാവുന്നത്.
കുരങ്ങൻ മാസ്‌ക് അണിയുന്ന വീഡിയോ സോഷ്യൽ മീഡിയയിൽ വൈറലാവുകയാണ്. മുൻ ബാസ്‌കറ്റ്‌ബോൾ താരമായ റെക്‌സ് ചാപ്മാൻ ആണ് വീഡിയോ തന്റെ ട്വിറ്ററിലൂടെ പങ്കുവച്ചത്. 27 സെക്കന്റ് മാത്രം ദൈർഘ്യമുള്ള വീഡിയോ ഇതുവരെ 20 ലക്ഷം പേരാണ് കണ്ടത്.
