ഇന്ത്യന്‍ നേവിയില്‍ അഗ്‌നിവീറായ കണ്ണൂര്‍ സ്വദേശിയായ യുവാവ് ഗോവയില്‍ ബൈക്ക് അപകടത്തില്‍ മരിച്ചു

കണ്ണൂര്‍: ഇന്ത്യന്‍ നേവിയില്‍ അഗ്‌നിവീരായി സേവനമനുഷ്ഠിക്കുന്ന മാങ്ങാട് സ്വദേശിയായ വിഷ്ണു ജയപ്രകാശ് (22) ഗോവയില്‍ ബൈക്ക് അപകടത്തില്‍ മരണമടഞ്ഞു. റിട്ട:സുബേദാര്‍ മേജര്‍ ടി.വി ജയപ്രകാശന്‍' - പി.പി ലീന ( എച്ച്.എസ് എസ് .ടി, മൊറാഴ ഹയര്‍ സെക്കണ്ടറി സ്‌കൂള്‍). ദമ്പതികളുടെ മകനാണ്.

സഹോദരന്‍ കാര്‍ത്തിക് ജയപ്രകാശ് (പ്ലസ് വണ്‍ വിദ്യാര്‍ത്ഥി,കേന്ദ്രീയ വിദ്യാലയം ,കെല്‍ട്രോണ്‍നഗര്‍) മാങ്ങാട് കെ.എസ്.ഇ .ബി സബ്ബ് സ്റ്റേഷന് സമീപത്തുള്ള ഭവനത്തില്‍ നാളെ (വ്യാഴാഴ്ച)രാവിലെ 7 മണി മുതല്‍ 9 മണി വരെയും ശേഷം കുറുമാത്തൂരിലെ തറവാട്ടു വീട്ടില്‍ 10 മണി മുതലും മൃതദേഹം പൊതുദര്‍ശനത്തിന് വെയ്ക്കും. സംസ്‌കാരം പകല്‍ 11 മണിക്ക് കുറുമാത്തൂരില്‍ നടക്കും.