ബിനോയ് മാര്‍ബിള്‍സ് എംഡിയും അഖില്‍ റിസോര്‍ട്ട് ഉടമയുമായ സിഎസ് സുജാതന്‍ അന്തരിച്ചു; വിടവാങ്ങുന്നത് ശ്രീനാരായണീയ പ്രസ്ഥാനങ്ങളുമായി ചേര്‍ന്ന് പ്രവര്‍ത്തിച്ച വ്യവസായി

തിരുവനന്തപുരം: ബിനോയ് മാര്‍ബിള്‍സ് എംഡിയും അഖില്‍ റിസോര്‍ട്ട് ഉടമയുമായ സിഎസ് സുജാതന്‍ അന്തരിച്ചു. 63 വയസ്സായിരുന്നു. വ്യാപാരി വ്യവസായി ഏകോപന സമിതി അമ്പലംമുക്ക് യൂണിറ്റ് പ്രസിഡന്റ്, പേരൂര്‍ ശ്രീകൃഷ്ണസ്വാമി ക്ഷേത്രം ഉപദേശക സമിതി പ്രസിഡന്റ് എന്നീ ചുമതലകള്‍ അദ്ദേഹം വഹിച്ചിട്ടുണ്ട്.

എസ്എന്‍ഡിപി യോഗം തിരുവനന്തപുരം യൂണിയന്‍ മുന്‍പ്രസിഡന്റും സെക്രട്ടറിയുമായിരുന്നു അദ്ദേഹം. ഭാര്യ: ജ്യോതി ലക്ഷ്മി. മക്കള്‍: അഖില്‍ കൃഷ്ണന്‍, നിഖില്‍ കൃഷ്ണന്‍, പരേതയായ അഖില. സംസ്‌കാരം ഇന്ന് വൈകിട്ട് അഞ്ചിന് സ്വവസതിയില്‍ വെച്ച് നടക്കും. സഞ്ചയനം തിങ്കള്‍ രാവിലെ 9.15ന്.

ബിനോയ് മാര്‍ബിള്‍സ് & ഗ്രാനൈറ്റ്‌സ് 1982-ലാണ് തിരുവനന്തപുരത്ത് തുടങ്ങിയത്. മാര്‍ബിള്‍, ഗ്രാനൈറ്റ്, ബ്രാന്‍ഡഡ് ടൈലുകള്‍, സാനിറ്ററി വെയര്‍ എന്നിവയുടെ വിപണനത്തിലായിരുന്നു ശ്രദ്ധ. ഇപ്പോള്‍ കേരളത്തിലുടനീളം ശാഖകളുണ്ട്.