ന്യൂഡൽഹി: അഫ്ഗാനിസ്ഥാനിലെ താലിബാന്റെ വിജയം ഇന്ത്യയിൽ ആഘോഷിക്കുന്നതിനെ അപലപിച്ച് മുതിർന്ന ബോളിവുഡ് സിനിമാ താരം നസിറുദ്ദീൻ ഷാ. താലിബാന്റെ വിജയം ഇന്ത്യയിൽ ഒരു വിഭാഗം ആഘോഷിക്കുന്നത് അപകടകരമാണെന്ന് ഷാ തുറന്നടിച്ചു. താലിബാൻ മടങ്ങിയെത്തിയത് ലോകത്തിന് ആകെ തന്നെ ആശങ്കാജനകമാണെന്നും ഷാ പറഞ്ഞു.

 

താലിബാൻ 100 ശതമാനവും ഒരു ശാപമാണെന്ന കുറിപ്പോടെ സയേമ എന്ന കലാകാരി ഷായുടെ വിഡിയോ ട്വിറ്ററിൽ പങ്കുവച്ചു. ഇന്ത്യയിൽ ഒരു വിഭാഗം താലിബാന്റെ മടങ്ങിവരവ് അഘോഷിക്കുന്നതും അപകടകരമാണ്. ഇത്തരത്തിൽ ആഘോഷം നടത്തുന്നവർ നവീകരണം വേണോ അതോ പഴയ അപരിഷ്‌കൃത രീതി മതിയോ എന്നു ചിന്തിക്കണം. നമുക്കൊരിക്കലും അംഗീകരിക്കാൻ കഴിയാത്ത തരത്തിലുള്ള മാറ്റങ്ങൾ ഉണ്ടാകാതിരിക്കട്ടെ എന്നും അദ്ദേഹം പറഞ്ഞു.

താലിബാൻനസിറുദ്ദീൻ ഷാ

ന്യൂസ് ഡെസ്‌ക്‌

    ന്യൂസ് ഡെസ്‌ക്‌