ഗർഭിണിയാണെന്ന് അറിഞ്ഞത് പ്രസവിച്ചപ്പോൾ മാത്രം; നാണക്കേട് ഒഴിവാക്കാൻ ടോയിലറ്റിൽ പ്രസവിച്ച കുഞ്ഞിനെ ആരുമറിയാതെ മറവ് ചെയ്തു; കൊലപാതകത്തിനും തെളിവു നശിപ്പിച്ചതിനും അമ്മ അറസ്റ്റിൽ; പ്രവാസിയുടെ ഭാര്യയായ ആശയുടെ മൊഴി കേട്ട് ഞെട്ടി പൊലീസും
പത്തനംതിട്ട: ഏഴാം മാസത്തിൽ വീട്ടിൽ ടോയ്‌ലറ്റിൽ പ്രസവിച്ചു. ജനിച്ചയുടൻ കുഞ്ഞു മരിച്ചു. ആരെയും അറിയിക്കാതെ സമീപത്തെ റബർ തോട്ടത്തിൽ കുഴിയെടുത്ത് മൃതദേഹം മറവു ചെയ്തു. നായ്ക്കൾ വലിച്ച് പുറത്തിട്ടപ്പോൾ പൊലീസ് അറിഞ്ഞു. കൂടുതൽ അന്വേഷണത്തിൽ അമ്മ അറസ്റ്റിലായി. ഇവരുടെ മൊഴി കേട്ട് പൊലീസ് ഞെട്ടി. കുഞ്ഞ് ഭർത്താവിന്റേത് തന്നെ, പക്ഷേ, ഗർഭിണിയാണെന്ന് അറിഞ്ഞത് പ്രസവിച്ചപ്പോൾ മാത്രം. അടൂരിൽ നിന്നാണ് ഈ കഥ. കുഞ്ഞിനെ കൊന്നതിനും കുറ്റം മറച്ചു വച്ചതിനും പൊലീസ് അറസ്റ്റ് ചെയ്തത് പറക്കോട് ടിബി ജങ്ഷൻ സബ് സ്റ്റേഷനു സമീപം പന്നിവിഴ വിളയുടെ വീട്ടിൽ അജിയുടെ ഭാര്യ ആശ(36)യാണ്. കഴിഞ്ഞ 18 നാണ് വീടിന്റെ ടോയ്‌ലറ്റിൽ പ്രസവം നടന്നത്. രാത്രി പത്തരയോടെ കഠിനമായ വയറുവേദന തോന്നി ടോയ്‌ലറ്റിൽ കയറിയപ്പോഴാണ് പ്രസവം നടന്നത്. അമിതരക്തസ്രാവം ഉണ്ടാവുകയും കുട്ടി പുറത്തേക്ക് വരികയുമായിരുന്നു. ഉടൻ തന്നെ ആശ പൊക്കിൾ കെടി മുറിച്ചു മാറ്റി. തുടർന്ന് വീടിന് അരികിലായി തന്നെ മൃതദേഹം മറവു ചെയ്തു. നാലു ദിവസത്തിന് ശേഷമാണ് തെരുവനായ്ക്കൾ മൃതദേഹം വലിച്ചു പു
പത്തനംതിട്ട: ഏഴാം മാസത്തിൽ വീട്ടിൽ ടോയ്‌ലറ്റിൽ പ്രസവിച്ചു. ജനിച്ചയുടൻ കുഞ്ഞു മരിച്ചു. ആരെയും അറിയിക്കാതെ സമീപത്തെ റബർ തോട്ടത്തിൽ കുഴിയെടുത്ത് മൃതദേഹം മറവു ചെയ്തു. നായ്ക്കൾ വലിച്ച് പുറത്തിട്ടപ്പോൾ പൊലീസ് അറിഞ്ഞു. കൂടുതൽ അന്വേഷണത്തിൽ അമ്മ അറസ്റ്റിലായി. ഇവരുടെ മൊഴി കേട്ട് പൊലീസ് ഞെട്ടി. കുഞ്ഞ് ഭർത്താവിന്റേത് തന്നെ, പക്ഷേ, ഗർഭിണിയാണെന്ന് അറിഞ്ഞത് പ്രസവിച്ചപ്പോൾ മാത്രം.
അടൂരിൽ നിന്നാണ് ഈ കഥ. കുഞ്ഞിനെ കൊന്നതിനും കുറ്റം മറച്ചു വച്ചതിനും പൊലീസ് അറസ്റ്റ് ചെയ്തത് പറക്കോട് ടിബി ജങ്ഷൻ സബ് സ്റ്റേഷനു സമീപം പന്നിവിഴ വിളയുടെ വീട്ടിൽ അജിയുടെ ഭാര്യ ആശ(36)യാണ്. കഴിഞ്ഞ 18 നാണ് വീടിന്റെ ടോയ്‌ലറ്റിൽ പ്രസവം നടന്നത്. രാത്രി പത്തരയോടെ കഠിനമായ വയറുവേദന തോന്നി ടോയ്‌ലറ്റിൽ കയറിയപ്പോഴാണ് പ്രസവം നടന്നത്. അമിതരക്തസ്രാവം ഉണ്ടാവുകയും കുട്ടി പുറത്തേക്ക് വരികയുമായിരുന്നു. ഉടൻ തന്നെ ആശ പൊക്കിൾ കെടി മുറിച്ചു മാറ്റി. തുടർന്ന് വീടിന് അരികിലായി തന്നെ മൃതദേഹം മറവു ചെയ്തു.
നാലു ദിവസത്തിന് ശേഷമാണ് തെരുവനായ്ക്കൾ മൃതദേഹം വലിച്ചു പുറത്തിട്ടത്. ഇവരുടെ ഭർത്താവ് അജി വിദേശത്താണ്. രണ്ടു കുട്ടികളുമുണ്ട്. കുഞ്ഞ് ഭർത്താവിന്റേത് തന്നെയാണെന്നാണ് ഇവർ പൊലീസിനോട് പറഞ്ഞത്. കഴിഞ്ഞ മൂന്നു ദിവസമായി പത്തനംതിട്ട വനിതാ സെല്ലിൽ ആശയെ ചോദ്യം ചെയ്തു വരികയായിരുന്നു. നാണക്കേട് കാരണമാണ് മൃതദേഹം ആരെയും അറിയിക്കാതെ മറവു ചെയ്തത്. മൂത്ത കുട്ടികൾ സ്‌കൂളിൽ പഠിക്കുന്നു.
അവർക്കും ഭർത്താവിനും തനിക്കുമുണ്ടാകുന്ന നാണക്കേട് ഓർത്തപ്പോൾ ആരെയും അറിയിക്കാൻ തോന്നിയില്ല. കുട്ടി പുറത്തു വന്നത് മരിച്ചായിരുന്നു. ഡിഎൻഎ ടെസ്റ്റ് നടത്താൻ താൻ ഒരുക്കമാണെന്നും ആശ പൊലീസിനോട് പറഞ്ഞു. കഴിഞ്ഞ ജൂൺ-ജൂലൈ മാസങ്ങളിൽ അജി നാട്ടിലുണ്ടായിരുന്നു. എന്നാൽ, പിന്നീട് ഗർഭിണിയായ വിവരം ആശ ആരോടും പറഞ്ഞിരുന്നില്ല. കുട്ടിയുണ്ടായതുംമരിച്ചതും ഇവർ അജിയെ അറിയിച്ചില്ല. താൻ പോലും ഗർഭിണിയാണെന്ന് അറിയുന്നത് കുഞ്ഞ് ഉണ്ടായതിന് ശേഷമാണെന്ന വിചിത്രമായ മൊഴിയാണ് ആശയ്ക്ക്. അതേസമയം, ഇക്കാര്യം ഡോക്ടർമാർ തള്ളിക്കളഞ്ഞു. ഗർഭിണിയായ ഒരു സ്ത്രീയ്ക്ക് അഞ്ചാം മാസം മുതൽ ഇക്കാര്യം അറിയാൻ കഴിയും. അതിന് മുൻപും ഇതിനുള്ള സംവിധാനങ്ങളുണ്ട്.
23 ന് വൈകിട്ട് നാലിനാണ് വീടിന് സമീപത്ത് നിന്ന് മൃതദേഹം ലഭിക്കുന്നത്. നാലുദിവസം പഴക്കമുള്ള മൃതദേഹം ജീർണിച്ചു തുടങ്ങിയിരുന്നു. ഒരു കാൽ അറ്റു പോയ നിലയിലായിരുന്നു. സംശയം തോന്നിയ പൊലീസ് ഉടൻ തന്നെ ആശയെ കസ്റ്റഡിയിലെടുത്തു. വൈദ്യപരിശോധനയിൽ ഇവർ പ്രസവിച്ചുവെന്ന കാര്യം വ്യക്തമായി. കൊല്ലത്തെ സ്വകാര്യ സ്ഥാപനത്തിലാണ് ഇവർ ജോലി ചെയ്യുന്നത്. വിവമറിഞ്ഞ് ഭർത്താവ് നാട്ടിലെത്തിയിട്ടുണ്ട്. ഗർഭിണിയായിട്ടും വേണ്ട ചികിൽസ നൽകാതിരുന്നതിനും കുഞ്ഞിന്റെ ജീവൻ രക്ഷിക്കാൻ ഒന്നും ചെയ്യാത്തതിനും വിവരം മറച്ചുവച്ചതിനുമാണ് കേസെടുത്തിട്ടുള്ളത്.
കുഞ്ഞ് ജനിച്ചപ്പോഴേ മരിച്ചിരുന്നോ അതോ കൊലപ്പെടുത്തിയതാണോ എന്ന് മനസിലാക്കാൻ പോസ്റ്റ് മോർട്ടം റിപ്പോർട്ടിൽ കഴിഞ്ഞിട്ടില്ല. മൃതദേഹം ജീർണിച്ചിരുന്നതാണ് ഇതിന് കാരണം. കോടതിയിൽ ഹാജരാക്കിയ ആശയെ റിമാൻഡ് ചെയ്തു.
