തിരുവനന്തപുരം: കെ.എസ്.ആർ.ടി.സി.യുടെ അൺലിമിറ്റഡ് ഓർഡിനറി ബസുകൾക്ക് പുതിയ പേര് നിർദേശിക്കാം. യാത്രക്കാരുടെ സൗകര്യാർഥം എവിടെയും നിർത്തുന്ന ബസുകളാണ് ഓർഡിനറി അൺലിമിറ്റഡ്. അടുത്തിടെ ആരംഭിച്ച ബസുകൾക്ക് വൻസ്വീകരണമാണ് യാത്രക്കാരിൽനിന്നുണ്ടായത്. ഇതേത്തുടർന്ന് വിവിധ ഡിപ്പോകളിലേക്ക് സർവീസ് നീട്ടിക്കൊണ്ടിരിക്കുകയാണ്.

ഒരാഴ്ചയ്ക്കുള്ളിൽതന്നെ 74 പുതിയ സർവീസുകൾ തുടങ്ങിയിട്ടുണ്ട്. മികച്ച വരുമാനവും ലഭിക്കുന്നുണ്ട്. ഈ സർവീസിന് പുതിയ പേരിടാൻ ഫേസ്‌ബുക്കിലാണ് കെ.എസ്.ആർ.ടി.സി. അഭ്യർത്ഥന നടത്തിയത്. സാമൂഹിക മാധ്യമസെല്ലിന്റെ വാട്‌സാപ്പ് നമ്പറിലും പേര് നിർദേശിക്കാം.

മണിക്കൂറുകൾക്കകംതന്നെ ഒട്ടേറെ പേരുകൾ കമന്റായി ചുവടെ വന്നു. ജനപ്രിയൻ, ജനമിത്രം, ജനകീയൻ, സഹയാത്രി തുടങ്ങിയ പേരുകളാണ് കൂടുതൽപേർ നിർദേശിച്ചിരിക്കുന്നത്. ചങ്ക്, ചങ്ക് ബ്രോ എന്നിവയും കമന്റിൽ ഇടംനേടി.

ഓർഡിനറി ബസകെ.എസ്.ആർ.ടി.സിപേര് നിർദേശിക്കാം