കൊല്ലം: ചന്ദനത്തോപ്പിൽ ലോറിതട്ടി റോഡിൽ വീണ സ്‌കൂട്ടർ യാത്രികന് ദാരുണാന്ത്യം. അതേ ലോറിയുടെ പിൻചക്രം കയറിയാണ് മരണം. കൊല്ലം ചകിരിക്കട സ്വദേശി സലിം ആണ് മരിച്ചത്. എതിരേ വന്ന ബസിന് സൈഡുകൊടുക്കുമ്പോൾ സ്‌കൂട്ടറിന്റെ ഹാന്റിലിൽ ലോറിയുടെ മധ്യഭാഗത്ത് തട്ടി റോഡിൽ വീഴുകയായിരുന്നു. റോഡിലേക്ക് തെറിച്ച് വീണ സലീമിന്റെ മുകളിലൂടെ അതേ ലോറിയുടെ പിൻ ചക്രങ്ങൾ കയറി ഇറങ്ങി.

പൊലീസ് വാഹന പരിശോധന നടത്തുന്നതിന് തൊട്ടടുത്തായിരുന്നു സംഭവം. ഇതേ തുടർന്ന് പൊലീസ് പരിശോധയ്ക്കിടെയാണ് അപകടമെന്നാരോപിച്ച് നാട്ടുകാർ പൊലീസിനെ തടഞ്ഞുവച്ചു. തുടർന്ന് മണിക്കൂറുകളോളം ദേശിയപാതയിൽ ഗതാഗതം സ്തംഭിപ്പിക്കുകയും ചെയ്തു. തുടർന്ന് കുണ്ടറ സിഐ ജയകൃഷ്ണൻ പ്രതിഷേധക്കാരുമായി സംസാരിച്ചെങ്കിലും ഇവർ വഴങ്ങിയില്ല.

എന്നാൽ അപകടവുമായി പൊലീസ് പരിശോധനയ്ക്ക് ബന്ധമില്ലെന്ന സിസിടിവി ദൃശ്യങ്ങളിൽ നിന്ന് വ്യക്തമായി. രക്ഷാപ്രവർത്തനത്തിന് ആദ്യം ഓടിയെത്തിയത് പൊലീസുകാരായിരുന്നു. സംഭവത്തെ തുടർന്ന് ദേശീയ പാതയിൽ ഗതാഗതം മണിക്കൂറുകളോളം തടസപ്പെട്ടു.

 

മരിച്ചുലോറി തട്ടിസ്‌കൂട്ടർ യാത്രികൻ