ശരീരത്തിൽ തറച്ച മുള്ളൻ പന്നിയുടെ കൂർത്ത മുള്ളിന്റെ വേദനയുമായി തെരുവുനായ; നായ ഓടി മാറുന്നതുകൊണ്ട് മുള്ളുകൾ ഊരിയെടുക്കാനുള്ള നാട്ടുകാരുടെ ശ്രമം വിഫലം: തെരുവുനായ നാട്ടുകാർക്ക് നൊമ്പര കാഴ്ചയാകുമ്പോൾ

താമരശ്ശേരി: ശരീരത്തിൽ മുള്ളൻപന്നിയുടെ കൂർത്ത മുള്ളുകൾ തറച്ച വേദനയുമായി തെരുവുനായ ഓടി നടക്കുന്നത് നാട്ടുകാർക്ക് നൊമ്പര കാഴ്ച. വലതു കണ്ണിനടുത്തായി നെറ്റിയിലും മുന്നിൽ വലതു കാലിന്റെ മുകൾ ഭാഗത്തും മാറ്റുമാണ് മുള്ളുകൾ തറച്ചത്. ആളുകൾ അടുത്തേക്കു ചെല്ലുമ്പോൾ നായ ഓടി മാറുന്നതുകൊണ്ട് മുള്ളുകൾ ഊരിയെടുക്കാനുള്ള നാട്ടുകാരുടെ ശ്രമം നടന്നില്ല. ചുങ്കം ഭാഗത്താണ് നായ പാഞ്ഞു നടക്കുന്നത്.