തിരുവനന്തപുരം: മുഖ്യമന്ത്രിയെ പരിശോധിക്കാൻ ക്ലിഫ് ഹൗസിലെത്തിയ ഡോക്ടറുടെ വാഹനം തടഞ്ഞ് പരിശോധിച്ച മൂന്ന് പൊലീസുകാർക്കെതിരേ നടപടി. എ.ആർ. ക്യാമ്പിലെ പൊലീസുകാരായ പ്രവീൺ, അഖിൽ, അനുരാജ് എന്നിവർക്കെതിരെയാണ് നടപടി. മൂന്ന് പേരെയും ഒരാഴ്ച തൃശ്ശൂർ പൊലീസ് അക്കാദമിയിലേക്കു പരിശീലനത്തിന് അയയ്ക്കാൻ സിറ്റി പൊലീസ് കമ്മിഷണർ നിർദേശിച്ചു.

അതേസമയം നിയമമനുസരിച്ച് പെരുമാറിയ ഉദ്യോഗസ്ഥർക്കെതിരേ നടപടിയെടുത്തതിൽ ഒരു വിഭാഗം പൊലീസ് ഉദ്യോഗസ്ഥർക്ക് അതൃപ്തിയുമുണ്ട്. കഴിഞ്ഞ ദിവസം മുഖ്യമന്ത്രിയെ പരിശോധിക്കാനെത്തിയ ഡോക്ടറുടെ വാഹനം തടഞ്ഞ് ക്ലിഫ് ഹൗസിൽനിന്നും അനുമതി വാങ്ങിയശേഷമാണ് ഇവർ അകത്തേക്കു കടത്തിവിട്ടത്.

ഡോക്ടർ എത്തുമെന്ന വിവരം ഇവരെ നേരത്തെ അറിയിച്ചിരുന്നില്ലെന്നാണ് പൊലീസ് ഉദ്യോഗസ്ഥർ ചൂണ്ടിക്കാട്ടുന്നത്. അതിനാൽ നിയമപരമായി അനുമതി വാങ്ങിയ ശേഷം ഡോക്ടറെ അകത്തേക്കു കടത്തിവിടുകയായിരുന്നെന്നും ഇവർ പറയുന്നു.

 

 

ക്ലിഫ് ഹൗസമുഖ്യമന്ത്രി