മുണ്ടുമടക്കി കുത്തി കൃഷ്ണ കുമാറും മകൾ ദിയയും; വെറൈറ്റി സ്‌റ്റെപ്പുമായെത്തിയ ഇരുവരുടേയും 'പെർഫക്ട് ഓകെ' സോഷ്യൽ മീഡിയയിൽ വൈറൽ
നടൻ കൃഷ്ണ കുമാറിന്റെയും മകൾ ദിയയുടെയും 'പെർഫക്ട് ഓകെ' ചലഞ്ച് ഏറ്റെടുത്ത് സോഷ്യൽ മീഡിയ. മുണ്ടുമടക്കി കുത്തി വെറൈറ്റി സ്‌റ്റെപ്പുമായി എത്തിയ താരത്തിന്റെയും മകളുടെയും വീഡിയോ വളരെ രസകരമാണ്. ചുരുങ്ങിയ സമയത്തിനകം വൈറലായ വിഡിയോ ആരാധകർ ഏറ്റെടുത്തു കഴിഞ്ഞു. ദിയ കൃഷ്ണയാണ് ഈ രസകരമായ വിഡിയോ പങ്കുവച്ചത്.
അച്ഛൻ മകൾ കോംബോ സൂപ്പർ ആണെന്നാണ് ലഭിക്കുന്ന കമന്റുകൾ. ഇരുവരുടെയും ലുക്കും പ്രേക്ഷകർക്കിടയിൽ ചർച്ചയായി. മുണ്ടും ഷർട്ടും ധരിച്ചാണ് ദിയയും കൃഷ്ണകുമാറും വിഡിയോയിൽ പ്രത്യക്ഷപ്പെട്ടത്. മുണ്ട് മടക്കിക്കുത്തിയാണ് പ്രകടനം. ഇതിനു മുൻപ് ഡബ്‌സ്മാഷുമായി കൃഷ്ണകുമാറും ദിയയും സമൂഹമാധ്യമങ്ങളിൽ എത്തിയിട്ടുണ്ട്.
കോവിഡ് വ്യാപനത്തിന്റെ തുടക്കകാലത്ത് കോഴിക്കോടുകാരൻ നൈസൽ ആണ് 'പെർഫക്ട് ഓകെ' വിഡിയോ പങ്കുവച്ചത്. 'പെർഫക്ട് ഓകെ അറ്റിറ്റസ് അറ്റ് ടു അറ്റ് റ്റാൻ ആൻഡ് ദ് കോൺ ആൻഡ് ദ പാക്ക്' നൈസലിന്റെ സ്‌റ്റൈലിൽ സൃഷ്ടിച്ചെടുത്ത ഇംഗ്ലിഷ് ഡയലോഗ് സമൂഹമാധ്യമങ്ങളിൽ വലിയ ഹിറ്റാണ്. കോഴിക്കോട് സ്വദേശി തന്നെയായ അശ്വിൻ ഭാസ്‌ക്കറാണ് നൈസലിന്റെ വിഡിയോയ്ക്ക് ഡിജെ മിക്സിങ് ചേർത്ത് പുതിയ രൂപം നൽകിയത്.
