റാലിക്ക് പങ്കെടുക്കാൻ ഡൊണാൾഡ് ട്രംപ് എത്തിയത് പാന്റ്‌സ് തലതിരിച്ചിട്ടെന്ന് വിമർശകർ. ഫോട്ടോ സഹിതം പുറത്ത് വിട്ടാണ് കളിയാക്കലുമായി ട്രംപ് വിമർശകർ എത്തിയിരിക്കുന്നത്. ട്രംപ് തന്റെ പാന്റ് പിന്നിലേക്ക് ഇട്ടുവെന്ന കളിയാക്കലുമായി എത്തിയ വിമർശകർ അദ്ദേഹത്തെ 90 കളിലെ ഹിപ്-ഹോപ് ജോഡികളായ ക്രിസ് ക്രോസിനോട് ഉപമിച്ചിരിക്കുകയാണ്.

നോർത്ത് കരോലിനിലെ ഗ്രീൻ വില്ലിൽ വെള്ളിയാഴ്ച ട്രംപ് നടത്തിയ റാലിയിൽ നിന്നുള്ള ട്രംപിന്റെ ദൃശ്യങ്ങളുമായാണ് വിമർശകർ എത്തിയത്. ഈ വീഡിയോ ഇന്റർനെറ്റിൽ ഹിറ്റായി കൊണ്ടിരിക്കുകയാണ്. ട്രംപിന്റെ പാന്റ്‌സ് സിപ്പില്ലാതെ തുടകളിൽ ചുറ്റിത്തിരിയുന്നതായാണ് ഫോട്ടോയിൽ കാണുന്നത്. പക്ഷേ ഈ പരിപാടിയിൽ നിന്നുള്ള കൂടുതൽ വ്യക്തതയുള്ള ഫോട്ടോകളിൽ പാന്റിന്റെ സിപ്പ് വ്യക്തമാകുന്നുണ്ടെന്നാണ് ട്രംപ് അനുകൂലികൾ പറയുന്നത്. എന്നാൽ ട്രംപ് വിമർശകർ ഇത് വലിയ സംഭവമായി പൊക്കി പിടിച്ചിരിക്കുകയാണ്.

പാന്റ് തലതിരിച്ചിട്ടാണ് പ്രസംഗത്തിന് എത്തിയതെന്ന് ന്യൂയോർക്ക് ടൈംസും ലൈഖകനും റിപ്പോർട്ട് ചെയ്യുന്നു. അതേസമയം പാന്റ് ഇലാസ്റ്റിക് വേസ്റ്റിന്റെ ബട്ടനോ ഫ്രണ്ട് സിപ്പോ ഇല്ലാത്തതാകാമെന്നും മറ്റു ചിലർ അഭിപ്രായപ്പെടുന്നു. എന്തായാലും ട്രംപ്പിനെ കളിയാക്കിയും പരിഹസിച്ചും നിരവധി പേരാണ് സോഷ്യൽ മീഡിയയിൽ എത്തിയത്.

ഡൊണാൾഡ് ട്രംപ്