വിവാഹാഭ്യർത്ഥന നിരസിച്ചതിന് ആക്രമണം; യുവതിയുടെ പരാതിയിൽ സഹപ്രവർത്തകൻ അറസ്റ്റിൽ

തിരുവല്ല: വിവാഹാഭ്യർത്ഥന നിരസിച്ച സഹപ്രവർത്തകയെ ആക്രമിച്ചയാൾ പിടിയിൽ. ചമ്പക്കുളം കൂനിപ്പുരയ്ക്കൽ ബെയ്‌സൺ ടോം(34) നെയാണ് തിരുവല്ല പൊലീസ് അറസ്റ്റ് ചെയ്തത്. ഇരുവരും തിരുവല്ലയിലെ സ്വകാര്യ ആശുപത്രിയിൽ നഴ്‌സുമാരാണ്. ശനിയാഴ്ച ആശുപത്രിക്ക് അടുത്തുള്ള റോഡിൽ വച്ചായിരുന്നു ആക്രമണം. യുവതി പരാതി നൽകിയതിനെത്തുടർന്ന് തിങ്കളാഴ്ചയാണ് ബെയ്‌സണെ അറസ്റ്റ് ചെയ്തത്. ഇയാളെ റിമാൻഡ് ചെയ്തു.