ഇന്ന് മുതൽ ഖത്തറിലെ റോഡുകളിൽ ബസ്സുകൾക്കും ട്രക്കുകൾക്കും നിരോധനം; നിശ്ചിത സമയങ്ങളിൽ നിരോധനം ഏർപ്പെടുത്തിയത് ചൊവ്വാഴച്ച വരെ

ദോഹ : ഇന്ന് മുതൽ ഖത്തറിലെ റോഡുകളിൽ ബസ്സുകൾക്കും ട്രക്കുകൾക്കും നിരോധനം. ഓഗസ്റ്റ് 10 ചൊവ്വാഴ്ച വരെ ഖത്തറിലെ റോഡുകളിൽ ബസ്സുകൾ ക്കും ട്രക്കുകൾക്കും നിരോധനം ഏർപ്പെടുത്തിയതായി ആഭ്യന്തര മന്ത്രാലയവും ഗതാഗത വകുപ്പും അറിയിച്ചു. ശക്തമായ ട്രാഫിക്ക് അനുഭവപ്പെടുന്ന മണിക്കൂറുകളിലാണ് നിരോധനം ഏർപ്പെടുത്തിയിരിക്കുന്നത്.

ദിവസേന മൂന്ന് സമയങ്ങളിലായാണ് നിരോധനമുള്ളത്. രാവിലെ ആറു മുതൽ 8:30, ഉച്ചയ്ക്ക് 12 മുതൽ വൈകീട്ട് മൂന്ന് വരെ, വൈകിട്ട് അഞ്ചു മുതൽരാത്രി ഒമ്പത് വരെ എന്നിങ്ങനെയാണ് ബസ്സുകൾക്കും ട്രക്കുകൾക്കും ഏർപ്പെടുത്തിയ നിരോധന സമയം.

രാത്രി 12 മുതൽപുലർച്ചെ അഞ്ചു മണി വരെയുള്ള സമയങ്ങളിൽഒരു വാഹനങ്ങൾക്കും പ്രവേശന നിരോധനമില്ല. ഈ സമയം ബസ്സുകളെയും ട്രക്കുകളെയും അനുവദിക്കുന്നതാണ്.