തളിപ്പറമ്പിൽ കഞ്ചാവ് ചെടികൾ എക്‌സൈസ് പിടികൂടി; ധർമ്മശാല ഇൻഡസ്ട്രിയൽ ഡവലപ്‌മെന്റ് പാർക്കിൽ കണ്ടെത്തിയത് വിളവെടുക്കാൻ പാകമായ നാല് കഞ്ചാവ് ചെടികൾ

തളിപ്പറമ്പ്: തളിപ്പറമ്പിനടുത്തെ ധർമ്മശാലയിൽ ഇൻഡസ്ട്രിയൽ ഡവലപ്‌മെന്റ് പാർക്കിനുള്ളിൽ നിന്നും കഞ്ചാവ് ചെടികൾ പിടികൂടി.ധർമ്മശാല ഇൻഡസ്ട്രിയൽ ഡവലപ്‌മെന്റ് പാർക്കിനുള്ളിൽ നിന്നുമാണ് ചൊവ്വാഴ്‌ച്ച രാവിലെ കഞ്ചാവ് ചെടികൾ പിടികൂടിയത്.

രഹസ്യ വിവരം ലഭിച്ചതനുസരിച്ചാണ് എക്സൈസ് സംഘം പരിശോധനക്കെത്തിയത്.230 സെന്റീമീറ്റർ ഉയരമുള്ള വിളവെടുക്കാൻ പാകമായ നാല് കഞ്ചാവ് ചെടികളാണ് ഇവിടെ ഉണ്ടായിരുന്നത്.

ഉത്തരേന്ത്യക്കാരായ നിരവധി തൊഴിലാളികൾ വ്യവസായ പാർക്കിൽ ജോലിചെയ്യുന്നുണ്ട്. ഇവരാരെങ്കിലുമായിരിക്കും കഞ്ചാവ് നട്ടുവളർത്തിയതെന്നു സംശയിക്കുന്നതായി എക്സൈസ് പറഞ്ഞു. തളിപ്പറമ്പ് എക്‌സൈസ് ഇൻസ്‌പെക്ടർ ബി കെ ശ്രീരാഗ് കൃഷ്ണയുടെ നേതൃത്വത്തിലാണ് രഹസ്യവിവരം ലഭിച്ചതിന്റെ അടിസ്ഥാനത്തിൽ കഞ്ചാവ് പിടികൂടിയത്