ഡ്രൈവിങ് നിയമലംഘനങ്ങൾക്ക് കനത്ത പിഴ ഈടാക്കാനൊരുങ്ങുന്ന പുതിയ ബിൽ നിയമമാക്കാനൊരുങ്ങുകയാണ് ജർമ്മനി. ഈ ബിൽ പാസായാൽ സൈക്കിൾ യാത്രികരെ സംരക്ഷിക്കുന്നതിനായിരിക്കും മുൻഗണന നല്കുക. കരട്് ബിൽ അവസാന ഘട്ടത്തിലേക്ക് നീങ്ങുമ്പോൾ അമിതവേഗത്തിനും അനധികൃത പാർക്കിംഗിനുമുള്ള പിഴ ജർമ്മനിയിൽ ഗണ്യമായി ഉയരുമെന്ന സൂചനകളും പുറത്ത് വരുന്നുണ്ട്.

ഡ്രൈവർമാർക്കുള്ള പിഴയിൽ കനത്ത വർദ്ധനവ് വരുന്ന ഗതാഗത മന്ത്രാലയത്തിന്റെ പുതിയ ബിൽ ഉടൻ നിയമത്തിൽ ഒപ്പുവയ്ക്കുമെന്നാണ് പുറത്ത് വരുന്ന സൂചന.വാഹന ഉടമകൾ നിയമവിരുദ്ധമായി സൈക്കിൾ അല്ലെങ്കിൽ ബസ് പാതകൾ ഉപയോഗിച്ചാലോ അല്ലെങ്കിൽ നിയുക്ത വേഗപരിധി കവിഞ്ഞുള്ള ട്രാഫിക് നിയമലംഘനങ്ങൾക്കോ ഉയർന്ന പിഴ ഈടാക്കും.

ബിൽറ്റ്-അപ്പ് ഏരിയയിൽ മണിക്കൂറിൽ 16-20 കിലോമീറ്റർ വേഗതയിൽ വാഹനമോടിച്ചതിന് 35 യൂറോയ്ക്ക് പകരം 70 പൗണ്ട് പിഴയും, നിയമവിരുദ്ധമായി ഉപയോഗിച്ചതിന് 25 പൗണ്ടിന് പകരം 100 യൂറോ പിഴയും ഇതിൽ ഉൾപ്പെടും.നഗരപ്രദേശങ്ങളിൽ വലത്തോട്ട് തിരിയുമ്പോൾ ട്രക്ക് ഡ്രൈവർമാർ അവരുടെ വാഹനങ്ങൾ പോകേണ്ട വേഗതയും ഇലക്ട്രിക് വാഹനങ്ങൾക്ക് പാർക്കിങ് സ്ഥലം അനധികൃതമായി കൈവശപ്പെടുത്തിയതിനോ ഓടിക്കുന്നതിനോ ഉള്ള പുതിയ നിയമങ്ങളും ഇതിൽ ഉൾപ്പെടുന്നു.

ഒക്ടോബർ 8 ന് ബിൽ പാസാക്കിയാൽ, വർദ്ധിച്ച പിഴകൾ മൂന്നാഴ്ചയ്ക്ക് ശേഷം, മാസാവസാനത്തോടെ പ്രാബല്യത്തിൽ വരും.

കനത്ത പിഴജർമ്മനി