ഇൻഡോർ: കോടീശ്വരന്റെ ഭാര്യയായ വീട്ടമ്മ വീട്ടിൽ നിന്ന് 47 ലക്ഷം രൂപയുമെടുത്ത് ഓട്ടോ ഡ്രൈവർക്കൊപ്പം ഒളിച്ചോടി. മധ്യപ്രദേശ് ഇന്ദോറിലെ ഖജ്‌റാന പ്രദേശത്തെ കോടീശ്വരനാണ് ഭാര്യക്കെതിരെ പൊലീസിൽ പരാതി നൽകിയത്. ഇമ്രാൻ (32) എന്ന ഓട്ടോഡ്രൈവർക്കൊപ്പം ഭാര്യ ഒളിച്ചോടിയതാണെന്നും അലമാരയിലിരുന്ന 47 ലക്ഷം രൂപ എടുത്താണ് പോയതെന്നും പരാതിയിലുണ്ട്.

ഈ മാസം 13 മുതൽ ഭാര്യയെ കാണുന്നില്ലെന്നാണ് പരാതിയിലുള്ളത്. ഭാര്യയേക്കാൾ 13 വയസ് കുറവുള്ള ഇമ്രാൻ ആണ് ദിവസവും വീട്ടിൽ കൊണ്ട് വിട്ടിരുന്നതെന്ന് ഭർത്താവ് പറയുന്നു. പൊലീസ് നടത്തിയ അന്വേഷണത്തിൽ ഇമ്രാന്റെ സുഹൃത്തിന്റെ വീട്ടിൽ നിന്ന് 33 ലക്ഷം രൂപ കണ്ടെടുത്തു.

മൊബൈൽ ടവറുകൾ കേന്ദ്രീകരിച്ചുള്ള അന്വേഷണത്തിന്റെ ഭാഗമായി ഇവർക്കായി ഖന്ദ്വ, ജവറ, ഉജ്ജയ്ൻ, റത്‌ലം എന്നിവിടങ്ങളിൽ തെരച്ചിൽ ഊർജിതമാക്കിയെന്നും പൊലീസ് പറഞ്ഞു.

 

കോടീശ്വരന്റെ ഭാര്യ