ബന്ധു വീട്ടിൽ പാലുകാച്ചൽ ചടങ്ങിനെത്തിയ കുടുംബത്തെ സാമൂഹിക വിരുദ്ധർ ആക്രമിച്ചതായി പരാതി. തിരുവല്ല സ്വദേശി ബിനോയ് ബേബിക്ക് നേരെയാണ് ആക്രമണമുണ്ടായത്. കുളത്തുപ്പുഴയിലെ ബന്ധുവീട്ടിലെത്തിയപ്പോഴാണ് ബിനോയി ആക്രമിക്കപ്പെട്ടത്.

ബിനോയ് ബേബിയും ഭാര്യയും കുഞ്ഞും അടങ്ങുന്ന കുടുംബം കുളത്തൂപ്പുഴ ഇഎസ് കോളനിയിലെ ബന്ധു വീട്ടിൽ പാലുകാച്ചൽ ചടങ്ങിന് എത്തിയപ്പോഴാണ് ആക്രമിക്കപ്പെട്ടത്. കുടുംബത്തെ വീട്ടിലാക്കിയതിന് ശേഷം സമീപത്തെ റോഡിൽ പാർക്ക് ചെയ്ത കാറിനടുത്ത്് നിന്ന് സുഹൃത്തായ ലാലുവുമായി സംസാരിക്കുമ്പോഴാണ് ചിലർ എത്തി ആക്രമിച്ചത്. സംസാരത്തിനിടയിൽ പ്രദേശവാസികളെന്ന് പറഞ്ഞ് മൂന്ന് പേർ സ്ഥലത്ത് എത്തുകയും വാഹനം പാർക്ക് ചെയ്തതിനെ ചോദ്യം ചെയ്യുകയും ചെയ്തു.

തിരുവല്ലയിൽ നിന്നും വന്നതാണെന്ന് പറഞ്ഞ ബിനോയിയോട് തിരുവല്ലാക്കാരന് എന്താടാ ഇവിടെക്കാര്യം എന്ന് ചോദിച്ചു മർദ്ദിച്ചു. മർദ്ദനമേറ്ര യുവാക്കൾ ഓടുകയും തുടർന്ന് ആക്രമികൾ ഇവരുടെ വാഹനം അടിച്ചു തകർക്കുകയും ചെയ്തു. ബഹളം കേട്ട് നാട്ടുകാർ ഓടി എത്തിയപ്പോൾ ആക്രമികൾ ഓടി രക്ഷപ്പെട്ടു. കുളത്തുപ്പുഴ പൊലീസ് സ്ഥലത്തെത്തി വാഹനം സ്‌റ്റേഷനിലേക്ക് മാറ്റി

 

ആക്രമണം