ഡെന്മാർക്കിലെ ബസ് ഡ്രൈവർമാരുടെ കുറവ് മൂലം ഗതഗാത സർവ്വീസിനെ കാര്യമായി ബാധിക്കുന്നുവെന്ന് സൂചന. നിലവിൽ 1000 ത്തോളം ഡ്രൈവർമാരുടെ കുറവ് ഉണ്ടെന്നാണ് കണക്കുകൾ സൂചിപ്പിക്കുന്നത്. അതുകൊണ്ട് തന്നെ ബസുകൾ ഓടിക്കാനുള്ള കുറഞ്ഞ പ്രായം 19 വയസാക്കി കുറയ്ക്കാനും നിർദ്ദേശം ഉയർന്നിരിക്കുകയാണ്.

മുനിസിപ്പൽ ബസുകളുടെയും (രോഗികളെ ആരോഗ്യ സംരക്ഷണ കേന്ദ്രങ്ങളിലേക്ക് കൊണ്ടുപോകാൻ ഉപയോഗിക്കുന്നവ) സ്‌കൂൾ ബസുകളുടെയും ഒഴിവുകൾ നികത്താൻ നിലവിൽ ഡെന്മാർക്കിൽ 1,000 ബസ് ഡ്രൈവർമാരെ കൂടി ആവശ്യമാണെന്നാണ് കണ്ടെത്തൽ.കൂടുതൽ ഡ്രൈവർമാരെ ഉടൻ കണ്ടെത്തിയില്ലെങ്കിൽ, ക്ഷാമം ഉടൻ തന്നെ സിറ്റി ബസുകളെയും പ്രാദേശിക ഗതാഗതത്തെയും ബാധിക്കുമെന്ന് സെക്ടർ ഇന്ററസ്റ്റ് ഓർഗനൈസേഷൻ ഡാൻസ്‌ക് പേഴ്സൺട്രാൻസ്പോർട്ട് പറയുന്നു

അതുകൊണ്ട് തന്നെ കൂടുതൽ ഡ്രൈവർമാരെ കണ്ടെത്താൻ ട്രാഫിക് നിയമങ്ങൾ പ്രകാരം യാത്രക്കാരുമായി ബസുകൾ ഓടിക്കാനുള്ള കുറഞ്ഞ പ്രായം 19 വയസ്സായി കുറയ്ക്കണമെന്ന് പ്രതിപക്ഷ ലിബറൽ പാർട്ടി ശുപാർശ ചെയ്തു. ഗതാഗത തരം അനുസരിച്ച് 21 അല്ലെങ്കിൽ 24 വയസ്സാണ് നിലവിലെ കുറഞ്ഞ പ്രായം. അതായത് നിലവിലെ നിയമങ്ങൾ അനുസരിച്ച്, 50 കിലോമീറ്ററിൽ കൂടുതൽ യാത്ര ചെയ്യാൻ യാത്രക്കാരുള്ള വാഹനങ്ങൾക്ക് ഡ്രൈവർമാർക്ക് കുറഞ്ഞത് 24 വയസ്സ് പ്രായമുണ്ടായിരിക്കണം; 50 കിലോമീറ്ററിൽ താഴെയുള്ള യാത്രകൾക്ക് 21 വർഷവും ആണ്.

പരിചയസമ്പന്നരായ ഡ്രൈവർമാരുമായുള്ള പരിശീലനം 18 വയസ്സ് മുതൽ ആരംഭിക്കാൻ ആണ് ലിബറലുകൾ നിർദ്ദേശിച്ചിരിക്കുന്നത്. 19 വയസ്സ് തികയുമ്പോൾ, ലിബറൽ നിർദ്ദേശപ്രകാരം ട്രെയിനികൾക്ക് ഡ്രൈവർമാരായി ഏറ്റെടുക്കാം.

 

ബസ് ഡ്രൈവർ