കൽപ്പറ്റ: മാരക മയക്കുമരുന്നായ എംഡിഎംഎയുമായി മുത്തങ്ങയിൽ യുവാക്കൾ പിടിയിൽ. താമരശേരിയിലെ കണ്ണോത്ത് ആയോത്ത് വീട്ടിൽ ഷഫീർ(30), കൈതപ്പൊയിൽ ആനോരമ്മൽ വീട്ടിൽ നിജാമു (36) എന്നിവരാണ് 69 ഗ്രാം എംഡിഎംഎയുമായി പിടിയിലായത്.

വെള്ളിയാഴ്ച രാവിലെ മുത്തങ്ങ ചെക്പോസ്റ്റിൽ നടത്തിയ വാഹനപരിശോധനയിലാണ് മയക്കുമരുന്ന് കണ്ടെത്തിയത്. കടത്താനുപയോഗിച്ച മാരുതി കാറും കസ്റ്റഡിയിലെടുത്തു. എക്‌സൈസ് സർക്കിൾ ഇൻസ്പെക്ടർ എ ആർ നിഗീഷ്, ഇൻസ്പെക്ടർ എ പ്രജിത്, ഐബിപിഒ കെ വി ഷാജിമോൻ എന്നിവരുടെ നേതൃത്വത്തിലായിരുന്നു പരിശോധന.