നെടുങ്കണ്ടം: ട്യൂഷൻ പഠിക്കാൻ വീട്ടിലെത്തിയ പത്തു വയസ്സുകാരിയെ പീഡിപ്പിച്ച ഇരുപതുകാരനെ പൊലീസ് അറസ്റ്റ് ചെയ്തു. കുട്ടിയെ നിരന്തരം പീഡിപ്പിച്ചിരുന്ന യുവാവാണ് അറസ്റ്റിലായത്. കമ്പംമെട്ട് പൊലീസ് സ്റ്റേഷൻ പരിധിയിലാണ് സംഭവം.

പീഡനത്തിനിരയായ പെൺകുട്ടിയുടെ സ്വഭാവത്തിൽ മാറ്റങ്ങൾ ഉണ്ടായി. ഇത് ശ്രദ്ധയിൽപെട്ടതിനെത്തുടർന്ന് മാതാപിതാക്കൾ കുട്ടിയെ കൗൺസലിങ്ങിന് വിധേയയാക്കുകയായിരുന്നു. കൗൺസലിങ്ങിനിടെയാണ് പെൺകുട്ടി പീഡനം വെളിപ്പെടുത്തിയത്. പെൺകുട്ടിയെ ട്യൂഷൻ പഠിപ്പിക്കുന്ന യുവാവ് ലൈംഗികമായി ചൂഷണം ചെയ്യത്തതായി കുട്ടി പറഞ്ഞു.

തുടർന്ന് മാതാപിതാക്കൾ പൊലീസിൽ പരാതി നൽകി. പ്രതിക്കെതിരെ പോക്‌സോ നിയമപ്രകാരം കേസെടുത്ത പൊലീസ് യുവാവിനെ വീട്ടിൽ നിന്നും അറസ്റ്റ് ചെയ്തു. കമ്പംമെട്ട് പൊലീസ് അറസ്റ്റ് ചെയ്ത പ്രതിയെ കോടതിയിൽ ഹാജരാക്കി. കുട്ടിയെ ഇരുപതുകാരൻ ലൈംഗിക ചൂഷണം നടത്തുകയായിരുന്നെന്നു പെൺകുട്ടിയുടെ ബന്ധുക്കൾ പറഞ്ഞു.

 

അറസ്റ്റിൽപത്തു വയസ്സുകാരിപീഡിപ്പിച്ചു; 20കാരൻ