കാട്ടാനയുടെ ആക്രമണത്തിൽനിന്ന് രക്ഷപ്പെടുന്നതിനിടെ വീണു പരിക്കേറ്റു; വനംവകുപ്പ് ഉദ്യോഗസ്ഥൻ രക്ഷപ്പെട്ടത് തലനാരിഴയ്ക്ക്

ശബരിമല: കാട്ടാനയുടെ ആക്രമണത്തിൽനിന്ന് വനംവകുപ്പ് ഉദ്യോഗസ്ഥൻ രക്ഷപ്പെട്ടത് തലനാരിഴയ്ക്ക്. പമ്പ സ്വീവേജ് ട്രീറ്റ്‌മെന്റ് പ്ലാന്റിനുസമീപം ശനിയാഴ്ച അർധരാത്രിയായിരുന്നു സംഭവം. സെക്ഷൻ ഫോറസ്റ്റ് ഓഫീസർ കെ.ബി.മണിക്കുട്ടനാണ് രക്ഷപ്പെട്ടത്.

പ്ലാന്റിനുസമീപം കാട്ടാനയിറങ്ങിയെന്ന വിവരം ലഭിച്ചതിനെത്തുടർന്ന് വനംജീവനക്കാരുടെ സംഘം സ്ഥലത്തെത്തിയപ്പോൾ ആന പാഞ്ഞടുത്തു. ഓടിരക്ഷപ്പെടുന്നതിനിടെ വീണുപരിക്കേൽക്കുകയായിരുന്നു. വലതുകാലിന് പരിക്കേറ്റ ഇദ്ദേഹത്തെ പമ്പയിലെ ആശുപത്രിയിൽ പ്രവേശിപ്പിച്ചു.