കിഴക്കമ്പലം ആക്രമണം ഒറ്റപ്പെട്ട സംഭവം; ലേബർ ഓഫീസർ അന്വേഷിക്കുമെന്ന് മന്ത്രി വി.ശിവൻകുട്ടി

തിരുവനന്തപുരം: കിഴക്കമ്പലം ആക്രമണം ലേബർ ഓഫിസർ അന്വേഷിക്കുമെന്ന് തൊഴിൽ മന്ത്രി വി.ശിവൻകുട്ടി. ഒറ്റപ്പെട്ട സംഭവമാണിത്. നിലവിൽ കാര്യങ്ങൾ നിയന്ത്രണ വിധേയമാണ്. ശക്തമായ നടപടികളുമായി പൊലീസ് മുന്നോട്ട് പോകുമെന്നും അദ്ദേഹം വ്യക്തമാക്കി.

ക്രിസ്മസ് ആഘോഷത്തിനിടെയാണ് ചേരിതിരിഞ്ഞ് ഏറ്റുമുട്ടിയ അതിഥിത്തൊഴിലാളികൾ പൊലീസിനെ ആക്രമിച്ചത്. സിഐ ഉൾപ്പെടെ 5 പൊലീസുകാർക്കു പരുക്കേറ്റു. അന്വേഷണത്തിന് പ്രത്യേക സംഘത്തെ നിയോഗിച്ചതായി റൂറൽ എസ്‌പി കെ.കാർത്തിക് പറഞ്ഞു.
അതേസമയം, നാഗാലാൻഡ്. മണിപ്പുർ ഭാഗത്തുനിന്നെത്തിയ ചില തൊഴിലാളികളാണ് അക്രമത്തിനു പിന്നിലെന്നും ബാക്കിയുള്ളവർ നിരപരാധികളാണെന്നും കിറ്റെക്‌സ് എംഡി സാബു ജേക്കബ് പറഞ്ഞു. അക്രമികൾ ലഹരി ഉപയോഗിച്ചിരുന്നതായും അദ്ദേഹം പറഞ്ഞു.