മകനെ കടിച്ച അയൽവാസിയുടെ നായക്ക് നേരെ വെടിയുതിർത്തു; കേസെടുത്ത് പൊലീസ്

ഗ്വാളിയോർ: മകനെ നായ കടിച്ച സംഭവത്തിൽ കുട്ടിയുടെ പിതാവ് അയൽവാസിയുടെ നായയെ വെടിവച്ചു. മധ്യപ്രദേശിലെ വിജയ് നഗർ പ്രദേശത്ത് ഇന്നലെ വൈകീട്ടാണ് സംഭവം. ഉപേന്ദ്ര ജാദൂൺ എന്നയാളാണ് നായയെ വെടിവച്ചതെന്ന് പൊലീസ് പറഞ്ഞു.

പ്രീതി പാർമലിന്റെ പരാതിയിൽ രാജ് ജാദൂണിനും ഉപേന്ദ്രയ്ക്കുമെതിരെ കേസ് എടുത്തതായി പൊലീസ് പറഞ്ഞു. നായ മകനെ കടിച്ചതിൽ കുപിതനായാണ് വെടിയുതിർത്തതെന്നാണ് പൊലീസ് പറയുന്നു..ഇരുവർക്കുമെതിരെ വിവിധ വകുപ്പുകൾ പ്രകാരം കേസ് എടുത്തതായും അറസ്റ്റ് ചെയ്യാനുള്ള ശ്രമം തുടരുകയാണെന്നും പൊലീസ് പറഞ്ഞു