ബിജെപിക്കു വഴിയൊരുക്കുന്നത് സിപിഎമ്മിന്റെ അന്ധമായ കോൺഗ്രസ് വിരോധം: ഇ.ടി.മുഹമ്മദ് ബഷീർ

കോഴിക്കോട്:ദേശീയതലത്തിൽ കോൺഗ്രസുമായി സഖ്യം വേണ്ടെന്ന സിപിഎമ്മിന്റെ നിലപാട് ബിജെപിക്ക് വഴിയൊരുക്കുന്നതാണെന്ന് ഇ.ടി.മുഹമ്മദ് ബഷീർ എംപി. സിപിഎമ്മിന് അന്ധമായ കോൺഗ്രസ് വിരോധമാണെന്നും നിഷേധാത്മക സമീപനമാണെന്നും അദ്ദേഹം ആരോപിച്ചു. ദേശീയതലത്തിൽ കോൺഗ്രസ് സഖ്യം വേണ്ടെന്ന സിപിഎം കേന്ദ്ര കമ്മിറ്റി തീരുമാനത്തിനു പിന്നാലെയാണ് അദ്ദേഹത്തിന്റെ പ്രതികരണം

ബിജെപിയെ അധികാരത്തിലെത്തിച്ചത് അന്ധമായ കോൺഗ്രസ് വിരോധമാണ്. അനുയോജ്യമായ സഖ്യമുണ്ടാക്കുന്നതിന് പകരം സിപിഎം നിഷേധാത്മക സമീപനം സ്വീകരിക്കുകയാണെന്നും അദ്ദേഹം ആരോപിച്ചു.
കോൺഗ്രസിനെ മുൻനിർത്തി എല്ലാ പാർട്ടികളും ബിജെപിക്കെതിരെ വരുന്നതിനെ എതിർക്കുന്ന നിലപാടാണിത്. ഇത് പ്രതിപക്ഷത്തിന്റെ യോജിപ്പിനെ ഇല്ലാതാക്കുന്നതാണെന്നും ഇടി മുഹമ്മദ് ബഷീർ പറഞ്ഞു.

അതേസമയം, അബ്ദു സമദ് പൂക്കോട്ടൂർ കമ്മ്യൂണിസ്റ്റ് നിലപാട് സ്വീകരിച്ചുവെന്നു പറയുന്നത് തെറ്റാണെന്ന് അദ്ദേഹം പറഞ്ഞു. അദ്ദേഹത്തിന്റെ പ്രസ്താവനയെ തെറ്റായി വ്യാഖ്യാനിക്കപ്പെട്ടു. അദ്ദേഹത്തിന്റെ എഴുത്തുകളും പ്രഭാഷണങ്ങളും കമ്മ്യൂണിസ്റ്റ് വിരുദ്ധമാണെന്നും ഇടി മുഹമ്മദ് ബഷീർ വ്യക്തമാക്കി.