ഭാര്യയെ ബലാത്സംഗം ചെയ്ത കേസിലെ പ്രതിയെ വെട്ടിപ്പരിക്കേൽപ്പിച്ച് ഭർത്താവ്; സംഭവം കട്ടപ്പന പൊലീസ് സ്റ്റേഷന് സമീപം

ഇടുക്കി: കട്ടപ്പനയിൽ ഭാര്യയെ ബലാത്സംഗം ചെയ്ത പ്രതിയെ വെട്ടിപ്പരിക്കേൽപ്പിച്ച് യുവാവ്. വെള്ളിലാംകണ്ടം സ്വദേശി താന്നിയിൽ ഷെയ്സ് പോളിനെയാണ് പരാതിക്കാരിയുടെ ഭർത്താവ് വെട്ടിപരിക്കേൽപ്പിച്ചത്.

കട്ടപ്പന പൊലീസ് സ്റ്റേഷന്റെ സമീപത്തായിരുന്നു സംഭവം.ഭാര്യയ്ക്കൊപ്പം പൊലീസ് സ്റ്റേഷന് സമീപത്തെ റോഡിലൂടെ നടന്ന് പോകുമ്പോഴാണ് പ്രതിയെ വെട്ടിപ്പരിക്കേൽപ്പിച്ചത്. ഇയാളെ തൊടുപുഴ ആശുപത്രിയിൽ പ്രവേശിപ്പിച്ചു.

പ്രതിയായ യുവാവിനെ പൊലീസ് കസ്റ്റഡിയിലെടുത്തു.ഷെയ്സ്പോൾ പ്രതിയായ ബലാത്സംഗക്കേസിന്റെ വിചാരണ കോടതിയിൽ നടന്നുവരുന്നതിനിടെയാണ് ഇയാൾക്ക് നേരെ ആക്രമണം ഉണ്ടായത്. 2018-ലാണ് കേസ് രജിസ്റ്റർ ചെയ്തിരുന്നത്.