ആർ എസ് പി ജില്ലാ നേതാവിന്റെ ഓട്ടോറിക്ഷ സാമൂഹ്യ വിരുദ്ധർ തീവച്ചു നശിപ്പിച്ചു

കൊല്ലം: ഓട്ടോ റിക്ഷ തൊഴിലാളിയും ആർ എസ് പി ജില്ല കമ്മിറ്റി അംഗവുമായ സദു പള്ളിത്തോട്ടത്തിന്റെ ഓട്ടോറിക്ഷ രാത്രിയിൽ സാമൂഹ്യ വിരുദ്ധർ തീവച്ചു നശിപ്പിച്ചു. തിങ്കളാഴ്ച രാത്രി രണ്ട് മണിയോടെയാണ് രാഷ്ട്രീയ വിരോധത്തിന്റെ പേരിൽ ഓട്ടോറിക്ഷ തീവച്ചു നശിപ്പിച്ചത്. ഓട്ടോറിക്ഷ ഓടിച്ചു കിട്ടുന്ന വരുമാനം കൊണ്ടാണ് സദു പള്ളിത്തോട്ടത്തിന്റെ കുടുംബം ജീവിതം പുലർത്തിയിരുന്നത്.

ആർ എസ് പി കേന്ദ്ര സെക്രട്ടറിയേറ്റ് അംഗം ഷിബു ബേബി ജോൺ സംഭവ സ്ഥലം സന്ദർശിച്ചു. ഒരു കുടുംബത്തിന്റെ ജീവനോപാധിയെ ഇല്ലാതാക്കിയ സാമൂഹിക വിരുദ്ധരെ ഉടൻ കണ്ടെത്തി മാതൃകാപരമായി ശിക്ഷികണമെന്ന് ആർ വൈ എഫ് കുണ്ടറ മണ്ഡലം കമ്മറ്റി ആവശ്യപ്പെട്ടു.