താമരശ്ശേരിയിൽ അഞ്ചര കിലോയോളം കഞ്ചാവ് പിടികൂടി; ഒരാൾ അറസ്റ്റിൽ

കോഴിക്കോട്: താമരശ്ശേരിയിൽ അഞ്ചര കിലോ കഞ്ചാവുമായി ഒരാൾ പിടിയിൽ. പരപ്പൻപൊയിൽ കതിരോട് പൂളക്കര ജയന്തിനെയാണ് താമരശ്ശേരി പൊലീസ് പിടികൂടിയത്. താമരശ്ശേരി ചെക്ക് പോസ്റ്റിന് സമീപം വൈകീട്ടോടെയാണ് ഇയാൾ പിടിയിലായത്.

ഡിവൈ.എസ്‌പിയുടെ സ്‌ക്വാഡ് അംഗങ്ങളും താമരശ്ശേരി പൊലീസും ചേർന്നാണ് കഞ്ചാവ് പിടികൂടിയത്. എസ്‌ഐമാരായ വി.കെ.സുരേഷ്, രാജീവ് ബാബു, സനൂജ്, മുരളീധരൻ, അഭിലാഷ്, എഎസ്ഐ ജയപ്രകാശ്, സി.പി.ഒമാരായ ശോഭിത്, റഫീഖ് എന്നിവരാണ് പ്രതിയെ പിടികൂടിയ സംഘത്തിൽ ഉണ്ടായിരുന്നത്.