മട്ടന്നൂർ: ദേശീയ ചലച്ചിത്ര പുരസ്‌കാരം നേടിയ 'ആദാമിന്റെ മകൻ അബു' എന്ന സിനിമയിൽ നായകനായ സലിംകുമാറിന്റെ കഥാപാത്രത്തിന് അവലംബം ആയ അത്തർ കച്ചവടക്കാരൻ പാലോട്ടുപള്ളി ഹസന്മുക്കിലെ കെ.പി.അബൂട്ടി (89) അന്തരിച്ചു. ഇന്നലെ രാവിലെയായിരുന്നു അന്ത്യം.

സലിം അഹമ്മദ് സംവിധാനം ചെയ്ത ചിത്രത്തിൽ ഇദ്ദേഹത്തിന്റെ ജീവിതരീതികൾ ആണു നടൻ സലിം കുമാർ അവതരിപ്പിച്ചത്. സലിമിന് മികച്ച നടനുള്ള 2010ലെ ദേശീയ പുരസ്‌കാരം ലഭിച്ചതും ഈ ചിത്രത്തിലെ വേഷത്തിന് ആയിരുന്നു. ഭാര്യ: കെ.കെ.സുബൈദ. മക്കൾ: മുഹമ്മദലി ശിഹാബ് (മസ്‌കറ്റ്), ഷമ്മാസ്, സുമയ്യ. മരുമകൻ: മുനീർ. കബറടക്കം നടത്തി.

 

അന്തരിച്ചുആദാമിന്റെ മകൻ അബു'കെ.പി.അബൂട്ടി