കണ്ണൂർ: മാരക ലഹരി മരുന്നായ എം ഡിഎം എ യുമായി തളിപ്പറമ്പിൽ യുവാക്കൾ പിടിയിൽ. കണ്ണൂർ സിറ്റി ഉരുവച്ചാൽ സ്വദേശികളായ പി.പി. അജ്നാസ് (31) കെ. നിഖിൽ ( 30 ) എന്നിവരെയാണ് എസ്‌ഐ.പി.സി.സഞ്ജയ് കുമാറും സംഘവും അറസ്റ്റു ചെയ്തത്. ഞായറാഴ്‌ച്ച രാത്രി 11.45 ഓടെ കണ്ണൂർ-കാസർകോട് ദേശീയ പാതയിലെ ധർമ്മശാലയിൽ വെച്ച് വാഹന പരിശോധനയ്ക്കിടെയാണ് ഇരുവരും പൊലീസ് പിടിയിലായത്.

സംശയം തോന്നി ബൈക്ക് പരിശോധിച്ചപ്പോഴാണ് 6.02 ഗ്രാം മാരക ലഹരി മരുന്നായ എം.ഡി.എം.എ പിടികൂടിയത്. ഇവർ സഞ്ചരിച്ച കെ എൽ. 59. യു. 3041 ബൈക്കും പൊലീസ് പിടിച്ചെടുത്തിട്ടുണ്ട്. കണ്ണൂർ ജില്ലയിൽ മയക്ക് മരുന്ന് വിൽപ്പന നടത്തുന്ന സംഘത്തിലെ പ്രധാന കണ്ണികളാണ് പിടിയിലായതെന്ന് പൊലിസ് പറഞ്ഞു. വാഹന പരിശോധനയിൽ ഗ്രേഡ് എസ് ഐ മാരായ മനോജ് കുമാർ , സജീവൻ , എ എസ് ഐ ഷാജൻ, സിവിൽ പൊലീസ് ഓഫീസർ ജിജു ജേക്കബ്, ഡ്രൈവർ വിനോദ് എന്നിവരും പങ്കെടുത്തു. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.

 

അനീഷ് കുമാര്‍

    മറുനാടന്‍ മലയാളി ന്യൂസ് കോണ്‍ട്രിബ്യൂട്ടര്‍