യുഎഇയിൽ ഇനി വാട്സാപ്പ് വഴിയും ജനന സർട്ടിഫിക്കറ്റ്; നടപടി യുഎഇ ഇന്നൊവേഷൻ മാസത്തിന്റെ ഭാഗമായി

അബുദാബി: യുഎഇയിൽ ജനന സർട്ടിഫിക്കറ്റ് (birth certficate) വാട്സാപ്പ് വഴി ലഭ്യമാക്കാനുള്ള സംവിധാനവുമായി ആരോഗ്യ മന്ത്രാലയം. നിർമ്മിതബുദ്ധിയുടെ സഹായത്തോടെയാണ് ജനന സർട്ടിഫിക്കറ്റ് നൽകുന്നത്. യുഎഇ ഇന്നൊവേഷൻ മാസത്തിന്റെ ഭാഗമായാണ് പുതിയ സംവിധാനം അവതരിപ്പിക്കുന്നത്.

സാമൂഹിക മാധ്യമത്തിൽ പോസ്റ്റ് ചെയ്ത വീഡിയോയിലൂടെയാണ് അധികൃതർ ഇക്കാര്യം വ്യക്തമാക്കിയത്. ഉപഭോക്താവിന്റെ സുരക്ഷയും സ്വകാര്യതയും ഉറപ്പാക്കിയാണ് ഈ സംവിധാനം ഏർപ്പെടുത്തുന്നത്.