മാർച്ച് 31 ന് ഓസ്ട്രിയ മാസ് കോവിഡ് ടെസ്റ്റിങ് ഘട്ടം ഘട്ടമായി നിർത്തലാക്കും;പകരം കൊണ്ടുവരുന്നത് ടാർഗെറ്റഡ് ടെസ്റ്റിങ് പ്രോഗ്രാം

കോവിഡ് ആരംഭിച്ചത് മുതൽ ഓസ്ട്രിയ 2.6 ബില്യൺ യൂറോ ചെലവിട്ട് മാസ് ടെസ്റ്റിങ് സമ്പ്രദായം നടപ്പിലാക്കി വന്നത് ലോകത്തിലെ ഏറ്റവും സമഗ്രമായ ഒന്നായാണ് വിലയിരുത്തപ്പെട്ടത്. ഓസ്ട്രിയൻ നിവാസികൾക്കുള്ള സൗജന്യ ആന്റിജൻ ടെസ്റ്റുകളാണ് ടെസ്റ്റിങ് സ്‌കീമിന്റെ കേന്ദ്രഭാഗം. ഈ സംവിധാനം മാർച്ച് 31 ഓടെ ഘട്ടംഘട്ടമായി നിർത്തലാക്കാൻ രാജ്യം തീരുമാനിച്ചിരിക്കുകയാണ്.

എന്നാൽ ഇതിന് പകരമായി ടാർഗെറ്റഡ് ടെസ്റ്റിങ് സമ്പ്രദായം നടപ്പിലാക്കാനാണ് തീരുമാനിച്ചിരിക്കുന്നത്. അതായത് ഓസ്ട്രിയയുടെ സൗജന്യവും എളുപ്പത്തിൽ ലഭ്യമായതുമായ ടെസ്റ്റുകൾ അവസാനിക്കുമെങ്കിലും ആവശ്യമുള്ളവർക്ക് ടെസ്റ്റുകൾ ''തീർച്ചയായും'' സൗജന്യമായി തുടരുമെന്ന്മന്ത്രാലയം അറിയിച്ചു.