പരമ്പരാഗത നെൽവിത്തുകളുടെ സംരക്ഷണത്തിനായി ചിറ്റാരി പദ്ധതി; കാർഷിക വികസനത്തിന് ഊന്നൽ നൽകി കണ്ണൂർ ജില്ലാപഞ്ചായത്ത് ബജറ്റ്

 കണ്ണൂർ: മണ്ണിൽ പൊന്നുവിളിയിക്കുന്നതിനായി പൊരുതുന്ന മണ്ണിന്റെ മക്കളായ കർഷകരോട് ഐക്യദാർഡ്യം പ്രഖ്യാപിച്ചുകൊണ്ടു കാർഷികവികസനത്തിനു ഊന്നൽ നൽകി ജില്ലാ പഞ്ചായത്ത് ബജറ്റ്. കൃഷിയോടൊപ്പംപരിസ്ഥിതി, വിനോദ സഞ്ചാരം, സ്ത്രീ സംരക്ഷണം എന്നിവക്ക് ഊന്നൽ നൽകിയാണ് 2022-23 സാമ്പത്തിക വർഷത്തെ ബജറ്റ് ജില്ലാപഞ്ചായത്ത് പ്രസിഡന്റ് പി.പി ദിവ്യയുടെ അധ്യക്ഷതയിൽ വൈസ് പ്രസിഡന്റ് അഡ്വ.ബിനോയ് കുര്യൻ അവതരിപ്പിച്ചത്

ആകെ 1558943604 രൂപ ചെലവും 37935072 രൂപ മിച്ചവും പ്രതീക്ഷിക്കുന്നതാണ് ബഡ്ജറ്റ്. 2022-23 വാർഷിക പദ്ധതി ചെലവുകൾക്ക് എട്ട് കോടി രൂപ തനത് ഫണ്ടും എസ്റ്റാബ്ലിഷ്മെന്റ് ചെലവുകൾക്ക് 57750000 രൂപയും മറ്റ് ഭരണ ചെലവുകൾക്ക് 7850000 രൂപയും സംരക്ഷണവും നടത്തിപ്പു ചെലവുകൾക്ക് 5150000 രൂപയും ബഡ്ജറ്റിൽ വകയിരുത്തിയിട്ടുണ്ട്.

കോവിഡ് പ്രതിസന്ധിയിൽ ലോകമാകെ സ്തംഭിച്ചു നിന്നപ്പോഴും മനുഷ്യർക്ക് അന്നമേകിയ കാർഷികമേഖല തന്നെയാണ് ഇക്കുറിയും ബ്ജറ്റിലെ കേന്ദ്രബിന്ദു. കൃഷിയെ മറന്നുകൊണ്ടുള്ള ഒരുവികസനത്തിനും നിലനിൽപ്പില്ലെന്നാണ് ബജറ്റിന്റെ ആമുഖ പ്രഖ്യാപനങ്ങളുടെ സാരാംശം.

കാർഷികമേഖലയെ പരമ്പരാഗതമായ ചട്ടക്കൂട്ടിൽ നിന്നും മോചിപ്പിക്കുകയെന്ന പുതുദൗത്യവും ജില്ലാ പഞ്ചായത്ത് ഏറ്റെടുക്കുന്നുണ്ട്. മൂല്യവർധിത ഉൽപന്നങ്ങളിലൂടെ കൃഷി ആദായകരമാക്കുകയെന്നതാണ് പദ്ധതി കൊണ്ടുലക്ഷ്യമിടുന്നത്. ജില്ലാ പഞ്ചായത്തിന് കീഴിലുള്ള കരിമ്പം ജില്ലാ കൃഷിത്തോട്ടത്തിൽ സർക്കാരിന്റെയും നബാർഡിന്റെയും സഹായത്തോടെ ആധുനിക സംഭരണ ശാലയും മൂല്യവർധിത ഉൽപന്ന നിർമ്മാണ പ്ലാന്റും സ്ഥാപിക്കും(അഞ്ച് കോടി).

ജില്ലാ കൃഷിത്തോട്ടം തളിപ്പറമ്പ്, സ്റ്റേറ്റ് സീഡ് ഫാം കാങ്കോൽ, വേങ്ങാട്, കോക്കനട്ട് നഴ്സറി പാലയാട്, കൊമ്മേരി ഗോട്ട് ഫാം എന്നിവിടങ്ങളിൽ, ആധുനിക കാർഷിക യന്ത്രങ്ങൾ, നടീൽ വസ്തുകൾ, വിത്ത്, വളം, ജൈവ കീടനാശിനികൾ എന്നിവ കർഷകർക്ക് ന്യായ വിലക്ക് ലഭ്യമാക്കുന്ന ആഗ്രോ ടെക് ഷോപ്പി സെന്റർ സ്ഥാപിക്കും(ഒന്നര കോടി)കാർഷിക ഉല്പന്നങ്ങൾ ഇടനിലക്കാരില്ലാതെ ഉപഭോക്താവിലേക്ക് എത്തിക്കുന്നതിന് ഓൺലൈൻ വിതരണ ശൃംഖല(15 ലക്ഷം) പരമ്പരാഗത നെൽവിത്തുകളുടെ സംരക്ഷണത്തിനായി ചിറ്റാരിയെന്ന പേരിൽ പ്രത്യേക പദ്ധതി.

തെങ്ങ്, റബ്ബർ തുടങ്ങിയ നാണ്യവിളകളുടെ ഉൽപാദന ക്ഷമത വർധിപ്പിക്കുന്നതിനായി നൂതനകാർഷിക യന്ത്രങ്ങളായ -മെക്കനൈസ്ഡ് റബ്ബർ റോളർ, സ്പ്രേയർ, കൊയ്ത്തു യന്ത്രങ്ങൾ, ബ്രഷ് കട്ടർ, മിനി ടില്ലർ, ഗാർഡൻ ടിച്ചർ, തെങ്ങ്കയറ്റ് യന്ത്രം- വിതരണത്തിനും പരിശീലനത്തിനുമായി (ഒരു കോടി )തേൻ ഗ്രാമങ്ങളുടെ വ്യാപനം, തേൻ സംസ്‌കരണം എന്നിവക്ക് ഹോർട്ടി കോർപ്പ് സഹായത്തോടെ (25 ലക്ഷം) പൂന്തോട്ട നഴ്സറി യൂനിറ്റുകൾക്കും പുഷ്പകൃഷിക്കുമായി കുടുംബശ്രീ ഗ്രൂപ്പുകൾക്ക് സഹായം.

ചെണ്ടുമല്ലി, വാടാർമല്ലി , സൂര്യകാന്തി, കുറ്റിമുല്ല, അലങ്കാര ചെടികൾ തുടങ്ങി കൃഷി പ്രോത്സാഹനത്തിന് (20 ലക്ഷം) കരിമ്പം ജില്ലാ കൃഷിത്തോട്ടത്തെ ഫാം ടൂറിസം ഹബ്ബാക്കാൻ (10 കോടി) എന്നിവയാണ് ബജറ്റിലെ പ്രധാന നിർദ്ദേശങ്ങൾ. ഇതിന് പുറമേ ഫ്ളവർ ഷോ, മാങ്കോ മ്യൂസിയം, വാക്കിങ് വേ, ഫുഡ് കോർട്ട്, ആംഫി തിയേറ്റർ തുടങ്ങിയവ ഒരുക്കും. സംയോജിത കൃഷി പ്രോത്സാഹിപ്പിക്കാൻ യുവാക്കളും പ്രവാസികളുമായ സംരംഭകർക്ക് ഇന്റൻസീവ് ഫാമിങ് പദ്ധതി നടപ്പാക്കുന്നതിന് (20 ലക്ഷം ) മണ്ണ് ജല സംരക്ഷണത്തിനും തോടുകളുടെ വീണ്ടെടുപ്പിനുമായി വാട്ടർ ഷെഡ് പദ്ധതികൾ.

രാമപുരം പുഴ ഡിപിആർ തയ്യാറാക്കൽ. കാർബൺ ന്യൂട്രൽ ജില്ല പദ്ധതിയുടെ ഭാഗമായി ലിറ്റിൽ ഫോറസ്റ്റ് ചലഞ്ച് തുടരും. സൈക്കിൾ ഉപയോഗം വർദ്ധിപ്പിക്കാൻ സഹകരണ ബാങ്കുകളുമായി ചേർന്ന് കുറഞ്ഞ പലിശ നിരക്കിൽ സൈക്കിൾ വാങ്ങുന്നതിന് വായ്പ.വന്യമൃഗ സംഘർഷ മേഖലകളിൽ സോളാർ ഹാങ്ങിങ് ഫെൻസിങ് സ്ഥാപിക്കുന്നതിന് ഗ്രാമ പഞ്ചായത്തുകൾക്ക് ധനസഹായം നൽകുന്നതിന് 50 ലക്ഷം രൂപ. വിധവ/ഭിന്ന ശേഷിക്കാരായ കുട്ടികളുടെ അമ്മമാർക്ക് മുൻഗണന.കേടുവന്ന തെങ്ങുകൾ മുറിച്ച് മാറ്റി പുതിയ തെങ്ങിൻ തൈകൾ വിതരണം ചെയ്ത് തെങ്ങിൻകൃഷി വ്യാപിപ്പിക്കുന്നതിന് ഗ്രാമ-ബ്ലോക്ക് പഞ്ചായത്തുകളുമായി സഹകരിച്ച് കേരരക്ഷ പദ്ധതിക്കായി 20 ലക്ഷം രൂപ.പാലിൽ നിന്നും മൂല്യവർധിത ഉല്പന്ന നിർമ്മാണ യൂനിറ്റ് ആരംഭിക്കാൻ ക്ഷീര സംഘങ്ങൾക്ക് സഹായമായി (50 ലക്ഷം )
മാംസോത്പാദനത്തിൽ ബ്രഹ്മഗിരി സൊസൈറ്റിയുമായി ചേർന്ന് സംരംഭങ്ങൾ ആരംഭിക്കുന്നതിന് (20 ലക്ഷം) വിധവ/ഭിന്ന ശേഷിക്കാരായ കുട്ടികളുടെ അമ്മമാർക്ക് മുൻഗണന.

പാലക്കോട് ഫിഷ് ലാൻഡിങ് സെന്ററിൽ ആധുനിക മത്സ്യമാർക്കറ്റിന് (50 ലക്ഷം)ഉൾനാടൻ മത്സ്യകൃഷി വ്യാപിക്കുന്നതിനും പരമ്പരാഗത മത്സ്യങ്ങളെ സംരക്ഷിക്കുന്നതിനും പുഴയുടെ ജൈവ ഘടന വീണ്ടെടുക്കുന്നതിനും ഒരു ലക്ഷം മത്സ്യകുഞ്ഞുങ്ങളെ പുഴയിൽ നിക്ഷേപിക്കുന്നതിനുമായി (10 ലക്ഷം)മത്സ്യസംസ്‌കരണത്തിനും മൂല്യവർധിത ഉൽപന്ന നിർമ്മാണത്തിനും മത്സ്യഫെഡുമായി ചേർന്ന് (30 ലക്ഷം)വിദ്യാർത്ഥികളിൽ ബഹുഭാഷ പ്രാവീണ്യം, നിയമ പരിജ്ഞാനം, നൈപുണ്യ പരിശീലനം, പരിസ്ഥിതി പഠനം , സാമൂഹിക പ്രതിബദ്ധത, കായിക ശേഷി തുടങ്ങിയവ വികസിപ്പിക്കുന്നതിന് സമഗ്ര വിദ്യാഭ്യാസ പദ്ധതിയിൽ ഊന്നൽ. എസ് എസ് എൽ സി, പ്ലസ് ടു, വിഎച്ച് എസ് ഇ പരീക്ഷകളിൽ ഗുണമേന്മയുള്ള സമ്പൂർണ വിജയം ലക്ഷ്യമിട്ട് പദ്ധതി.

സർക്കാർ സ്‌കൂളുകളിൽ മികച്ച ലാബ്, ലൈബ്രറി, ഡൈനിങ് ഹാളുകൾ, ആധുനിക ഫർണ്ണിച്ചറുകൾ, ക്ലാസ് മുറികൾ തുടങ്ങിയവ നിർമ്മിക്കുന്നതിന് (പത്ത് കോടി )കായിക പ്രതിഭകളെ കണ്ടെത്തുന്നതിനും ആധുനിക രീതിയിൽ പരിശീലിപ്പിക്കുന്നതിനും വോളിബോൾ ഇതിഹാസം ജിമ്മി ജോർജിന്റെ പേരിൽ പായം ഗ്രാമ പഞ്ചായത്തിൽ സ്പോർട്സ് വില്ലേജ് സ്ഥാപിക്കാൻ (അഞ്ച് കോടി)വിദ്യാർത്ഥികളുടെയും യുവതീ യുവാക്കളുടെയും കായിക ശേഷി വർധിപ്പിക്കുന്നതിന് സ്പോർട്സ് കൗൺസിലുമായി സഹകരിച്ച് വോളിബോൾ, ഫുട്ബോൾ, കബഡി, ബാസ്‌കറ്റ്ബോൾ, ഹാന്റ് ബോൾ തുടങ്ങിയ കായിക ഇനങ്ങളിൽ പരിശീലന പരിപാടി, ജെന്റർ ന്യൂട്രൽ കായിക മേള (25 ലക്ഷം)ജില്ലാ പഞ്ചായത്തിന് കീഴിലുള്ള വിദ്യാഭ്യാസ സ്ഥാപനങ്ങളിലെ ഗ്രൗണ്ടുകളെ ആധുനികവൽകരിച്ച് പൊതു കളിയിടങ്ങളാക്കി മാറ്റൽ.
കുട്ടികളിലെ ലഹരി ഉപയോഗം തടയുന്നതിന് എക്സൈസ് വകുപ്പ്, സ്റ്റുഡന്റ് പൊലീസ്, എൻ എസ് എസ്, എൻ സി സി, എന്നിവയുമായി ചേർന്ന് ലഹരി വിരുദ്ധ കാമ്പയിൻ.

കണ്ണൂർ യൂണിവേഴ്സിറ്റി ഫിസിക്കൽ എഡ്യൂക്കേഷൻ വകുപ്പുമായി ചേർന്ന് ശാസ്ത്രീയ വ്യായാമ പരിശീലനം -സ്റ്റാമിന. വാർഡുതലത്തിൽ ഹെൽത്ത് ക്ലബുകൾ.കേരള ഫോക്ലോർ അക്കാദമി വജ്ര ജൂബിലി ഫെലോഷിപ്പ് നേടിയ കലാകാരന്മാരുടെയും കേരള സംഗീത നാടക അക്കാദമി, ലളിത കലാ അക്കാദമിയുമായി ചേർന്ന് ജില്ലയിൽ 24 ജില്ലാ പഞ്ചായത്ത് ഡിവിഷൻ കേന്ദ്രങ്ങളിൽ സർഗാലയം കലാപരിശീലന കേന്ദ്രങ്ങൾ.കുട്ടികൾക്കും സ്ത്രീകൾക്കും നീന്തൽ പരിശീലനം എന്നിവയാണ് ബജറ്റിലെ പ്രധാനനിർദ്ദേശങ്ങൾ.