തുടർച്ചയായ ഏഴാം ദിവസവും ഇന്ധനവില ഉയർന്നു; കൊച്ചിയിൽ 111ന്ന് കടന്ന് പെട്രോൾ വില: ഡീസലിന് 98.16 രൂപ

കൊച്ചി: തുടർച്ചയായി ഏഴാം ദിവസവും ഇന്ധനവില ഉയർന്നു. വ്യാഴാഴ്ച പെട്രോളിന് 87 പൈസയും ഡീസലിന് 84 പൈസയുമാണ് കൂട്ടുന്നത്. ഇതോടെ കൊച്ചിയിൽ പെട്രോൾ വില 111.14 രൂപയും ഡീസലിന് 98.16 രൂപയുമാകും. മാർച്ച് 22 മുതൽ ഒൻപതുനാൾകൊണ്ട് പെട്രോളിന് 6.98 രൂപയും ഡീസലിന് 6.74 രൂപയുമാണ് കൂട്ടിയത്. തിരുവനന്തപുരത്ത് പെട്രോൾവില 113-ന് അടുത്തെത്തി.