അവകാശവാദങ്ങൾക്ക് മുന്നെ ഹരിയാനയ്ക്ക് വെള്ളം നൽകു; ഹിന്ദി സംസാരിക്കുന്ന 400 ഗ്രാമങ്ങളെ നിർമ്മിക്കു; പഞ്ചാബ് സർക്കാറിനെ വിമർശിച്ച് മനോഹർ ലാൽ ഖട്ടർ
ഹരിയാന: അവകാശവാദങ്ങൾ ഉന്നയിക്കുന്നതിന് മുമ്പ് ഹരിയാനയ്ക്ക് വെള്ളം നൽകാനും ഹിന്ദി സംസാരിക്കുന്നതിൽ 400 ഗ്രാമങ്ങളെ മുൻപന്തിയിലെത്തിക്കാനും ശ്രമിക്കണമെന്ന് പഞ്ചാബ് സർക്കാരിനോട്
മനോഹർ ലാൽ ഖട്ടർ. ഹരിയാനയിലെ ജിന്ദ് ജില്ലയിലെ വിവിധ വികസന പദ്ധതികൾ ഉദ്ഘാടനം ചെയ്ത് സംസാരിക്കവെയാണ് പഞ്ചാബ് സർക്കാരിനെ രൂക്ഷമായി വിമർശിച്ചത്.
ചണ്ഡീഗഢ് സംസ്ഥാനത്തേക്ക് മാറ്റണമെന്ന് ആവശ്യപ്പെട്ട് പഞ്ചാബ് മുഖ്യമന്ത്രി ഭഗവന്ത് മൻ വെള്ളിയാഴ്ച നിയമസഭയിൽ പ്രമേയം അവതരിപ്പിച്ചതിന് പിന്നാലെയാണ് മനോഹർ ലാൽ ഖട്ടറിന്റെ പരാമർശം.എസ്.വൈ.എൽ കനാലിന്റെ കാര്യത്തിൽ പഞ്ചാബ് സർക്കാർ നിഷ്‌ക്രിയമാണെന്ന് ഖട്ടർ തന്റെ പ്രസംഗത്തിൽ ആരോപിച്ചു.
സത്‌ലജ്, യമുന നദികളെ ബന്ധിപ്പിക്കുന്നതിനുള്ള 214 കിലോമീറ്റർ ദൈർഘ്യമുള്ള പദ്ധതിയാണ് എസ്.വൈ.എൽ കനാലെന്നും അദ്ദേഹം പറഞ്ഞു. ചണ്ഡീഗഢിനെ കേന്ദ്രസർവീസ് ഭരണത്തിന് കീഴിൽ കൊണ്ടുവരാനുള്ള കേന്ദ്ര ആഭ്യന്തരമന്ത്രി അമിത് ഷായുടെ തീരുമാനത്തിനെതിരെയാണ് ഭഗവന്ത് മൻ പ്രമേയം അവതരിപ്പിച്ചത്.
ചണ്ഡീഗഢിലെ പഞ്ചാബിലെ അവകാശത്തിന് നേരെയുള്ള ആക്രമണമാണ് ഈ തീരുമാനമെന്ന് പ്രമേയം വായിച്ചുകൊണ്ട് ഭഗവന്ത് മൻ പറഞ്ഞിരുന്നു. പഞ്ചാബിലെ ചണ്ഡീഗഡിൽ നടന്ന ഒരു ദിവസത്തെ പ്രത്യേക നിയമസഭാ സമ്മേളനത്തിലാണ് മൻ പ്രമേയം വായിച്ചത്.
ചണ്ഡീഗഢ് അഡ്‌മിനിസ്ട്രേഷനിലെ ജീവനക്കാരുടെ സേവന വ്യവസ്ഥകൾ ഇനി മുതൽ സെൻട്രൽ സിവിൽ സർവീസുമായി പൊരുത്തപ്പെടുത്തുമെന്ന് കേന്ദ്ര ആഭ്യന്തര മന്ത്രി അമിത് ഷാ നേരത്തെ പ്രഖ്യാപിച്ചിരുന്നു.
