മലയാറ്റൂർ തീർത്ഥാടക സംഘത്തിന്റെ കാർ കെഎസ്ആർടിസി ബസിലേക്ക് ഇടിച്ചു കയറി; ഒരു മരണം; നാലു പേർക്കു ഗുരുതര പരുക്ക്

കൊച്ചി: മൂവാറ്റുപുഴയ്ക്കടുത്ത് തൃക്കളത്തൂരിൽ മലയാറ്റൂർ തീർത്ഥാടന സംഘം സഞ്ചരിച്ചിരുന്ന കാർ കെഎസ്ആർടിസി ബസിലേക്ക് ഇടിച്ചു കയറി ഒരാൾ മരിച്ചു. നാലു പേർക്കു ഗുരുതര പരുക്കേറ്റു.

കോട്ടയം ഏറ്റുമാനൂർ സ്വദേശികളാണ് കാറിലുണ്ടായിരുന്നത് എന്നാണ് വിവരം. മലയാറ്റൂർ തീർത്ഥാടനം കഴിഞ്ഞു മടങ്ങുമ്പോഴായിരുന്നു അപകടം. അമിത വേഗത്തിലായിരുന്ന കാർ ബസിലേക്ക് ഇടിച്ചു കയറുകയായിരുന്നു.