കാസർകോട് : പതിനൊന്ന് വയസ്സുകാരിയെ പീഡിപ്പിച്ചെന്ന പരാതിയിൽ 28കാരൻ അറസ്റ്റിൽ. തായന്നൂർ വേങ്ങച്ചേരിലെ ധനീഷി(28)നെയാണ് അമ്പലത്തറ പൊലീസ് അറസ്റ്റുചെയ്തത്. ബോധവത്ക്കരണ ക്ലാസ്സിലാണ് പെൺകുട്ടി പീഡന വിവരം വെളിപ്പെടുത്തിയത്. പിന്നാലെ കേസ് എടുത്ത പൊലീസ് യുവാവിനെ അറസ്റ്റ് ചെയ്തു.

കഴിഞ്ഞ വർഷം മെയ്‌ മാസത്തിലായിരുന്നു സംഭവം. കുട്ടികൾക്കും സ്ത്രീകൾക്കുമെതിരേയുള്ള ലൈംഗിക അതിക്രമങ്ങൾ പ്രതിരോധിക്കുന്നതിന്റെ ഭാഗമായി കഴിഞ്ഞ ദിവസം സംഘടിപ്പിച്ച ബോധവത്കരണ ക്ലാസിലാണ് പെൺകുട്ടി പീഡനത്തിനിരയായ വിവരം വെളിപ്പെടുത്തിയത്.

പിന്നീട് ചൈൽഡ്‌ലൈൻ അധികൃതർ പെൺകുട്ടിയിൽനിന്ന് വിശദമായി കാര്യങ്ങൾ ചോദിച്ചറിഞ്ഞശേഷം അമ്പലത്തറ പൊലീസിൽ പരാതി നൽകുകയായിരുന്നു. തുടർന്ന് യുവാവിനെതിരേ പോക്സോ കുറ്റം ചുമത്തി പൊലീസ് അറസ്റ്റുചെയ്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

 

11കാരി. പീഡനം. 28കാരൻഅറസ്റ്റിൽ