തിരുവനന്തപുരം: സ്‌കൂൾ വിട്ട് വീട്ടിലേക്ക് പോകുകയായിരുന്ന പത്താം ക്ലാസ് വിദ്യാർത്ഥിനിയെ പീഡിപ്പിക്കാൻ ശ്രമിച്ച തുണിക്കച്ചവടക്കാരൻ അറസ്റ്റിൽ. കിളിമാനൂരിലാണ് സംഭവം. കൊല്ലം, കൂട്ടിക്കട, അമ്മച്ചാന്മുക്ക്, റൂബി മൻസിലിൽ അൽഅമീൻ(32) ആണ് പിടിയിലായത്.

കിളിമാനൂർ പൊലീസ് സ്റ്റേഷൻ പരിധിയിൽ 11-ന് വൈകുന്നേരം 4.30-നായിരുന്നു സംഭവം. സ്‌കൂൾ വിട്ട് വീട്ടിലേക്ക് പോകുക ആയിരുന്ന കുട്ടിയെ ഇയാൾ കടന്നു പിടിക്കുക ആിരുന്നു. സ്‌കൂളിൽ നിന്നും ഒറ്റയ്ക്കു നടന്നുവരികയായിരുന്ന പെൺകുട്ടിയെ ആളൊഴിഞ്ഞ സ്ഥലത്തുവച്ച് ഇരുചക്രവാഹനത്തിലെത്തിയ പ്രതി കടന്നുപിടിക്കുകയായിരുന്നു.

വസ്ത്രങ്ങൾ തവണവ്യവസ്ഥയിൽ വീടുകൾതോറും വിൽക്കുന്നയാളാണ് പ്രതി. കുതറിയോടി രക്ഷപ്പെട്ട പെൺകുട്ടി വീട്ടിലെത്തി വിവരം പറഞ്ഞു. രക്ഷിതാക്കൾ പൊലീസിൽ പരാതി നൽകിയതിനെത്തുടർന്ന് അമ്പതോളം നിരീക്ഷണ ക്യാമറാദൃശ്യങ്ങൾ പൊലീസ് പരിശോധിച്ചു. അന്വേഷണത്തിനിടെ ലഭിച്ച രഹസ്യവിവരത്തിന്റെ അടിസ്ഥാനത്തിലാണ് അറസ്റ്റ്.

പ്രതി സഞ്ചരിച്ചിരുന്ന ഇരുചക്രവാഹനവും പൊലീസ് കസ്റ്റഡിയിലെടുത്തു. കിളിമാനൂർ ഐ.എസ്.എച്ച്.ഒ. എസ്.സനൂജ്, എസ്‌ഐ. വിജിത്ത് കെ.നായർ, സുനിൽ എന്നിവരടങ്ങിയ സംഘമാണ് പ്രതിയെ അറസ്റ്റുചെയ്തത്.

 

അറസ്റ്റിൽപത്താം ക്ലാസ് വിദ്യാർത്ഥിനിപീഡിപ്പിക്കാൻ ശ്രമം; തുണിക്കച്ചവടക്കാരൻ