അമ്പലപ്പുഴയിൽ സ്‌കൂൾ കുട്ടികളുമായി പോയ ബസ് റോഡിനരികിൽ താഴ്ന്നു; ബസിലുണ്ടായിരുന്നത് 20 ഓളം കുട്ടികൾ

അമ്പലപ്പുഴ: അമ്പലപ്പുഴയിൽ വിദ്യാർത്ഥികളുമായി പോയ സ്‌കൂൾ ബസ് റോഡിനരികിൽ താഴ്ന്നു. അമ്പലപ്പുഴ കിഴക്ക് ചിറക്കോട് ഭാഗത്താണ് ബസ് താഴ്ന്നത്. പുന്നപ്രയിലെ സ്വകാര്യ സ്‌കൂളിന്റെ വാഹനമാണ് രാവിലെ അപകടത്തിൽപ്പെട്ടത്. 20 ഓളം കുട്ടികൾ വാഹനത്തിലുണ്ടായിരുന്നു. വൻ ദുരന്തം ഒഴിവായി.

റോഡിനു സമീപത്തെ ഫുട്പാത്തിനോട് ചേർന്നാണ് വാഹനം താഴ്ന്നത്. ആ വശത്ത് ആഴമേറിയ തോടാണുള്ളത്. ടയർ പുതഞ്ഞതോടെ വാഹനം മുന്നോട്ട് എടുക്കാൻ കഴിയാതെയായി. പിന്നീട് ജെസിബിയുടെ സഹായത്തോടെ വാഹനം ഉയർത്തുകയായിരുന്നു.