കാട്ടാനയുടെ മുന്നിൽപ്പെടുന്ന അവസ്ഥയെ കുറിച്ച് ചിന്തിക്കാൻ പോലും ആവില്ല. എന്നാൽ തൊട്ടടുത്ത് കാട്ടാന എത്തിയിട്ടും അതൊന്നും അറിയാതെ കുന്തം വിഴുങ്ങിയത് പോലെ നിൽക്കേണ്ടി വരുന്ന അവസ്ഥയോ. ഓർക്കാൻ പോലും ആവില്ല അല്ലെ. അത്തരമൊരു ദൃശ്യമാണ് ഇപ്പോൾ സമൂഹമാധ്യമങ്ങളിൽ നിറയുന്നത്. ശ്രീലങ്കയിലാണ് സംഭവം നടന്നത്. വഴിയിൽ നിൽക്കുകയായിരുന്ന ഒരാളുടെ പിന്നിലൂടെ വളരെ സാവധാനം ഒരു കാട്ടാന നടന്നുവരുന്നത് കാണാം. ഇതൊന്നുമറിയാതെ മുന്നോട്ടു നോക്കിനിൽക്കുകയായിരുന്നു അയാൾ.

തന്റെ വഴിയിൽ തടസ്സം സൃഷ്ടിച്ചു നിൽക്കുന്നയാളെ ഉപദ്രവിക്കാനൊന്നും ആന ശ്രമിച്ചില്ല. പകരം ഒരടി പിന്നോട്ട് വച്ച് മുൻകാലുകളിലൊന്നുകൊണ്ട് അയാളുടെ ശരീരത്തിലേക്ക് മണ്ണ് തെറിപ്പിച്ചു. ഇതോടെ അയാൾ പിന്തിരിഞ്ഞു നോക്കി. കാട്ടാനയെ പിന്നിൽ കണ്ടതും ഭയന്ന് സമീപത്തേക്ക് ഓടിമാറിയതും ഒന്നിച്ചായിരുന്നു. വഴിയിലെ തടസ്സം നീക്കിയ ആന ലാഘവത്തോടെ മുന്നോട്ട് പോകുകയും ചെയ്തു. ഐഎഎസ് ഉദ്യോഗസ്ഥനായ അവ്‌നിഷ് ശരൺ ആണ് രസകരമായ ഈ ദൃശ്യം പങ്കുവച്ചത്. ലക്ഷക്കണക്കിനാളുകൾ ഇപ്പോൾത്തന്നെ ഈ ദൃശ്യം കണ്ടുകഴിഞ്ഞു.

കാട്ടാന