ദേശീയ ശിശു ക്ഷേമ സംഘടനയായ നാഷണൽ ചൈൽഡ് ഡെവലപ്പ്‌മെന്റ് കൗൺസിലിന്റെ വെൽനെസ്സ് വുമൺ സർക്കിളാണ് വ്യത്യസ്തമായൊരു മത്സരം ഒരുക്കുന്നത്. എക്‌സിബിറ്റ് യുവർ ക്രിയേറ്റിവിറ്റി വിത്ത് ഫ്രൂട്ട്‌സ് ആൻഡ് വെജിറ്റബിൾസ് എന്ന പേരിൽ പഴങ്ങളിലും പച്ചക്കറികളിലും കൊത്തുപണികൾ തീർത്ത് കഴിവ് തെളിയിക്കാവുന്ന മത്സരമാണ് . 3 നും 12 നും ഇടയിൽ പ്രായമുള്ള കുട്ടികൾക്കാണ് ഈ മത്സരത്തിൽ പങ്കെടുക്കാനാവുക.
പങ്കെടുക്കാൻ താല്പര്യമുള്ള കുട്ടികളുടെ വീഡിയോകൾ ജൂലൈ 20ന് വൈകുന്നേരം 5 മണിക്ക് മുൻപായി +919288026146 എന്ന നമ്പറിലേക്ക് വാട്‌സ്ആപ്പ് ചെയ്യണം. ജൂലൈ 23 ന് വൈകുന്നേരം 6.30 മണിക്ക് സൂം മീറ്റിലാണ് ഈ പരിപാടി നടക്കുക.ഇത് മനോഹരവും പുതിയൊരു മിഴിവിസ്മയവുമാകുമെന്നാണ് സംഘാടകർ പ്രതീക്ഷിക്കുന്നത്.കുട്ടികളുടെ വിദ്യാഭ്യാസത്തിന്റെ ഗുണനിലവാരം മെച്ചപ്പെടുത്താനും, കുട്ടികളുടെ അവകാശങ്ങൾ സംരക്ഷിക്കാനും പ്രവർത്തിക്കുന്ന ഈ സംഘടന ഇടവേളകളിൽ കുട്ടികളുടെ കലാപരിപാടികളും നടത്താറുണ്ട്.കൂടുതൽ വിവരങ്ങൾക്ക് +919288026146 വെബ്‌സൈറ്റ് : https://ncdconline.org/
