'അയ്യോ..എനിക്കിത് താങ്ങാൻ പറ്റുന്നില്ല..'; ഭയങ്കര ജോലി സമ്മർദം നേരെ ഒന്ന് കിടന്നുറങ്ങാൻ കൂടി കഴിയുന്നില്ല; സഹികെട്ട് ബിഎൽഒ ഓഫീസർ ചെയ്തത്; ദാരുണ സംഭവം ഉത്തർപ്രദേശിൽ

ലഖ്‌നൗ: ഉത്തർപ്രദേശിൽ ബൂത്ത് ലെവൽ ഓഫീസർ (ബി.എൽ.ഒ) ജോലി സമ്മർദം താങ്ങാനാവാതെ ആത്മഹത്യ ചെയ്തു. മൊറാദാബാദിലാണ് സംഭവം. 46 വയസ്സുകാരനായ സർവേഷ് സിങ് ആണ് വീട്ടിൽ ജീവനൊടുക്കിയത്. ഭഗത്പൂർ ടണ്ടയിലെ സ്കൂളിൽ അധ്യാപകൻ കൂടിയാണ് ഇദ്ദേഹം.

അമിതമായ ജോലിഭാരം കാരണം കടുത്ത സമ്മർദത്തിലായിരുന്നു സർവേഷ്. "ജോലി സമ്മർദം താങ്ങാനാകുന്നില്ല" എന്ന് വ്യക്തമാക്കുന്ന ആത്മഹത്യാ കുറിപ്പ് പോലീസ് കണ്ടെടുത്തു.

സമീപ ദിവസങ്ങളിൽ രാജ്യത്തെ വിവിധ സംസ്ഥാനങ്ങളിൽ ജോലി സമ്മർദം കാരണം ബി.എൽ.ഒമാർ ആത്മഹത്യ ചെയ്യുന്ന സംഭവങ്ങൾ റിപ്പോർട്ട് ചെയ്തിരുന്നു. ഇതിന് പിന്നാലെയാണ് ഉത്തർപ്രദേശിലെ ഈ ദാരുണ സംഭവം.