മന്ദ്സൗർ: മധ്യപ്രദേശിലെ മന്ദ്സൗറിൽ മഹാരാജാ യശ്വന്ത് റാവു ഹോൽകർ സർക്കാർ കോളേജിൽ വിദ്യാർഥിനികൾ വസ്ത്രം മാറുന്നത് ഒളിഞ്ഞിരുന്ന് ക്യാമറയിൽ പകർത്തിയ മൂന്ന് എബിവിപി നേതാക്കളെ പോലീസ് അറസ്റ്റ് ചെയ്തു. എബിവിപി സെക്രട്ടറി ഉമേഷ് ജോഷി, കോളേജ് ഭാരവാഹികളായ അജയ് ഗൗർ, ഹിമാൻഷു ബൈരംഗി എന്നിവരാണ് അറസ്റ്റിലായത്. ചൊവ്വാഴ്ചയാണ് സംഭവം നടന്നത്.

കോളേജിൽ നടന്നുവന്ന യൂത്ത് ഫെസ്റ്റിവലിനിടെയാണ് വിദ്യാർഥിനികൾ വസ്ത്രം മാറാനായി ഉപയോഗിച്ചിരുന്ന മുറിയിൽ പ്രതികൾ ഒളിഞ്ഞിരുന്ന് ദൃശ്യങ്ങൾ പകർത്തിയത്. സംഭവത്തിന്റെ സിസിടിവി ദൃശ്യങ്ങൾ പുറത്തുവന്നതോടെയാണ് ഇത് ശ്രദ്ധയിൽപ്പെട്ടത്. തുടർന്ന് നടത്തിയ അന്വേഷണത്തിനൊടുവിലാണ് എബിവിപി നേതാക്കൾ അറസ്റ്റിലായത്.

ഈ സംഭവം കോളേജ് അധികൃതർക്കിടയിലും വിദ്യാർഥി സമൂഹത്തിനിടയിലും വലിയ പ്രതിഷേധങ്ങൾക്ക് ഇടയാക്കിയിട്ടുണ്ട്. വിദ്യാർഥിനികളുടെ സ്വകാര്യതക്ക് നേരെയുണ്ടായ അതിക്രമത്തിനെതിരെ ശക്തമായ നടപടി ആവശ്യപ്പെട്ട് പല സംഘടനകളും രംഗത്തെത്തിയിട്ടുണ്ട്. ഇത്തരം സംഭവങ്ങൾ ആവർത്തിക്കാതിരിക്കാൻ കർശനമായ സുരക്ഷാ മുൻകരുതലുകൾ ഏർപ്പെടുത്തണമെന്നും ആവശ്യമുയർന്നിട്ടുണ്ട്.

വിദ്യാർത്ഥിനികൾദൃശ്യങ്ങൾപകർത്തിഅറസ്റ്റ്

സ്വന്തം ലേഖകൻ