ന്യൂഡല്‍ഹി: ഞായറാഴ്ച ദേശീയ തലസ്ഥാനത്ത് ഒറ്റപ്പെട്ട സ്ഥലങ്ങളില്‍ ശീതതരംഗം അനുഭവപ്പെട്ടു. ചില പ്രദേശങ്ങളില്‍ കുറഞ്ഞ താപനില 4.1 ഡിഗ്രി സെല്‍ഷ്യസില്‍ താഴെയായി. ഡല്‍ഹിയില്‍ കുറഞ്ഞ താപനില 4.8 ഡിഗ്രി സെല്‍ഷ്യസ് രേഖപ്പെടുത്തി. ഇത് സീസണല്‍ ശരാശരിയേക്കാള്‍ 2.6 ഡിഗ്രി കൂടുതലാണെന്ന് ഐഎംഡി അറിയിച്ചു. ശീതതരംഗ സാധ്യതയുള്ളതിനാല്‍ നഗരത്തില്‍ 'യെല്ലോ' അലര്‍ട്ട് പ്രഖ്യാപിച്ചു. തിങ്കളാഴ്ചയും സമാന കാലാവസ്ഥ തുടരുമെന്നാണ് കരുതുന്നത്. പരമാവധി താപനില 17 ഡിഗ്രി സെല്‍ഷ്യസില്‍ എത്തുമെന്ന് പ്രതീക്ഷിക്കുന്നതായി ഐഎംഡി അറിയിച്ചു.

കുറഞ്ഞ താപനില ശരാശരിയേക്കാള്‍ 4.5 മുതല്‍ 6.5 ഡിഗ്രി സെല്‍ഷ്യസ് വരെ കുറയുമ്പോഴാണ് ശീത തരംഗം പ്രഖ്യാപിക്കുന്നത്. ഞായറാഴ്ച, സഫ്ദര്‍ജംഗില്‍ 4.8 ഡിഗ്രി സെല്‍ഷ്യസും പാലമില്‍ 3 ഡിഗ്രി സെല്‍ഷ്യസും ലോധി റോഡില്‍ 4.6 ഡിഗ്രി സെല്‍ഷ്യസും റിഡ്ജില്‍ 3.7 ഡിഗ്രി സെല്‍ഷ്യസും അയനഗറില്‍ 2.9 ഡിഗ്രി സെല്‍ഷ്യസും രേഖപ്പെടുത്തിയതായി ഐഎംഡി വ്യക്തമാക്കുന്നു. നഗരത്തിലെ ആപേക്ഷിക ആര്‍ദ്രത രാവിലെ 8.30 ന് 97 ശതമാനമായി രേഖപ്പെടുത്തി.

ഡല്‍ഹിയിലെ വായു ഗുണനിലവാര സൂചിക (അഝക) രാവിലെ 9 മണിക്ക് 'മോശം' വിഭാഗത്തില്‍ ആയിരുന്നുവെന്ന് കേന്ദ്ര മലിനീകരണ നിയന്ത്രണ ബോര്‍ഡിന്റെ (ഇജഇആ) ഡാറ്റ കാണിക്കുന്നു. 295 ആണ് ഇന്ന് രേഖപ്പെടുത്തിയ എക്യൂഐ. പൂജ്യത്തിനും 50 നും ഇടയിലുള്ള വായു ഗുണനിലവാര സൂചിക 'നല്ലത്', 51 മുതല്‍ 100 വരെ 'തൃപ്തികരമാണ്', 101 മുതല്‍ 200 വരെ 'മിതമായത്', 201 മുതല്‍ 300 വരെ 'മോശം', 301 മുതല്‍ 400 വരെ 'വളരെ മോശം', 401 മുതല്‍ 500 വരെ 'ഗുരുതരം' എന്നിങ്ങനെയാണ് കണക്കാക്കുന്നത്.

വായുഗുണ നിലവാരംഐഎംഡിതാപനിലആപേക്ഷിക ആര്‍ദ്രത

സ്വന്തം ലേഖകൻ