ന്യൂഡൽഹി: കോൺഗ്രസ് നേതാവ് കൊടിക്കുന്നിൽ സുരേഷ് ലോക്‌സഭയിലെ പ്രോടേം സ്പീക്കറാകും. മാവേലിക്കര മണ്ഡലത്തിൽ നിന്നാണ് കൊടിക്കുന്നിൽ സുരേഷ് വിജയിച്ചത്. പ്രോടേം സ്പീക്കറായി മാസം 24ന് രാഷ്ട്രപതി ദ്രൗപദി മുർമുവിന് മുന്നിൽ കൊടിക്കുന്നിൽ സുരേഷ് സത്യപ്രതിജ്ഞ ചെയ്യും.

പാർലമെന്റ് സമ്മേളനം തുടങ്ങുമ്പോൾ, കൊടിക്കുന്നിൽ സുരേഷിന്റെ അധ്യക്ഷതയിലായിരിക്കും എം പിമാരുടെ സത്യപ്രതിജ്ഞ നടക്കുക. പുതിയ സ്പീക്കറെ തിരഞ്ഞെടുക്കുന്നത് വരെ സ്പീക്കറുടെ ചുമതലകൾ നിർവഹിക്കുന്നതുകൊടിക്കുന്നിൽ സുരേഷ് ആയിരിക്കും. ലോക്‌സഭയിലെ മുതിർന്ന അംഗമാണ് കൊടിക്കുന്നിൽ സുരേഷ്

1989 മുതൽ 1998 വരെയും 2009 മുതൽ തുടർച്ചയായും കൊടിക്കുന്നിൽ സുരേഷ് ലോക്സഭയിൽ അംഗമാണ്. രണ്ടാം മന്മോഹൻ സിങ് മന്ത്രിസഭയിൽ കേന്ദ്ര തൊഴിൽ വകുപ്പ് സഹമന്ത്രിയായിരുന്നു. 2018 മുതൽ കെപിസിസി വർക്കിങ് പ്രസിഡന്റാണ്.