ബസ് നിയന്ത്രണംവിട്ട് മറിഞ്ഞ് വൻ അപകടം; പത്തുപേര്‍ മരിച്ചു; നിരവധിപേർക്ക് പരിക്ക്; ഞെട്ടിപ്പിക്കുന്ന സംഭവം മഹാരാഷ്ട്രയില്‍

മുംബൈ: ബസ് നിയന്ത്രണം തെറ്റി മറിഞ്ഞ് വൻ അപകടം. മഹാരാഷ്ട്രയിലാണ് സംഭവം നടന്നത്. അപകടത്തിൽ പത്തുപേര്‍ മരിച്ചു. ഇരുപതിലധികം പേര്‍ക്ക് പരിക്ക് പറ്റിയതായി വിവരങ്ങൾ. ഗോന്ദിയ ജില്ലയിലെ ബിന്ദ്രവന ടോലയിലാണ് അപകടം നടന്നത്.

മഹാരാഷ്ട്ര സ്‌റ്റേറ്റ് ട്രാന്‍സ്‌പോര്‍ട്ട് ബസ് ആണ് മറിഞ്ഞത്. ഭണ്ടാരയില്‍നിന്ന് ഗോന്ദിയയിലേക്ക് പുറപ്പെട്ടതായിരുന്നു ബസ്. പരിക്കേറ്റവരെ ഗോന്ദിയ ജില്ലാ ആശുപത്രിയില്‍ പ്രവേശിപ്പിച്ചിട്ടുണ്ട്.

അതേസമയം, അപകടത്തില്‍ ജീവന്‍ നഷ്ടമായവരുടെ കുടുംബങ്ങള്‍ക്ക് പത്തുലക്ഷം രൂപയുടെ അടിയന്തര സഹായം നല്‍കാന്‍ മുഖ്യമന്ത്രി ഏക്‌നാഥ് ഷിന്ദെ ഗതാഗതവകുപ്പിന് നിര്‍ദേശം നല്‍കിയിട്ടുണ്ട്.