വെറും 1199 രൂപയ്ക്ക് ഗോ എയറിൽ പറക്കാം ! പുതുവർഷത്തിൽ കിടിലൻ ഫ്‌ളാഷ് സെയിൽ പ്രഖ്യാപിച്ച് കമ്പനി; ഡൽഹി ഉൾപ്പടെ പന്ത്രണ്ട് സ്ഥലങ്ങളിലേക്ക് നിരക്കിളവ് ഓഫർ നൽകി കമ്പനിയുടെ 'ലാഭ ടിക്കറ്റ്' ! ബുക്കിങ് ജനുവരി മൂന്ന് മുതൽ രണ്ട് ദിവസത്തേക്ക്
ന്യൂഡൽഹി: പുതുവർഷം പ്രമാണിച്ച് കുറഞ്ഞ നിരക്കിൽ വിമാനയാത്ര നടത്താൻ അവസരമൊരുക്കി ഗോ എയർ. വെറും 1199 രൂപ ടിക്കറ്റിൽ ഫ്‌ളാഷ് സെയിൽ പ്രഖ്യാപിച്ചാണ് കമ്പനി യാത്രക്കാർക്കായി പുത്തൻ ഓഫർ എത്തിച്ചിരിക്കുന്നത്. ഓഫർ പ്രകാരമുള്ള ബുക്കിങ് ജനുവരി മൂന്നു മുതൽ രണ്ട് ദിവസത്തേക്കിനാണ് ഉണ്ടാവുക. രാജ്യതലസ്ഥാനമായ ഡൽഹി ഉൾപ്പടെ രാജ്യത്തെ പ്രധാനപ്പെട്ട പന്ത്രണ്ട് സ്ഥലങ്ങളിലേക്കാണ് നിരക്കിളവിൽ യാത്ര ചെയ്യാൻ സാധിക്കുന്നത്.
അഹമ്മദാബാദ്, ബെംഗളുരു, മുംബൈ, കൊൽക്കത്ത, ഡൽഹി, ഹൈദരാബാദ്, റാഞ്ചി, ലക്നൗ, നാഗ്പുർ, പട്ന, പുണെ, ചെന്നൈ എന്നീ സ്ഥലങ്ങളിലേക്ക് കുറഞ്ഞ നിരക്കിൽ ഗോ എയറിൽ നിന്നും ടിക്കറ്റ് ലഭിക്കും. എന്നാൽ ഓരോ സ്ഥലത്തേയ്ക്കുമുള്ള യാത്ര തീയതികളിൽ വ്യത്യാസമുണ്ട്. ഏറ്റവും കുറഞ്ഞ നിരക്കായ 1199 രൂപയ്ക്ക് ചെന്നൈ- പോർട്ട് ബ്ലയർ യാത്ര നടത്താം. തിയതി 2019 ജൂലായ് എട്ടിനും 2019 സെപ്റ്റംബർ 29നുമിടയ്ക്കാണ്.
ഗോ എയറിന്റെ വെബ് സൈറ്റിലാണ് ഇക്കാര്യം വ്യക്തമാക്കിയിട്ടുള്ളത്. ഡൽഹി-ശ്രീനഗർ 1,299 രൂപ(യാത്ര ചെയ്യേണ്ടത്: ജൂലായ് എട്ടിനും സെപ്റ്റംബർ 29നുമിടയ്ക്ക്), ലക്നൗ-ഡൽഹി 1,299 രൂപ(യാത്ര ചെയ്യേണ്ടത് ജൂലായ് എട്ടിനും സെപ്റ്റംബർ ഒന്നിനുമിടയ്ക്ക്), പട്ന-കൊൽക്കത്ത 1,299 രൂപ(ജൂലായ് ഒന്നിനും സെപ്റ്റംബർ എട്ടിനുമിടയ്ക്ക്), ഗോവ-ഹൈദരാബാദ് 1,399(ജൂലായ് ഒന്നിനും സെപ്റ്റംബർ 15നുമിടയ്ക്ക്).
മറ്റിടങ്ങളിലേയ്ക്കുള്ള വിശദവിവരങ്ങൾ ഗോ എയറിന്റെ വെബ്സൈറ്റിൽ ലഭിക്കും. ഫ്ളൈ സ്മാർട്ട്, സേവ് ബിഗ് ഓഫർ- പ്രകാരമാണ് ഓഫറുകൾ പ്രഖ്യാപിച്ചിട്ടുള്ളത്. ഗോ എയറിനു പിന്നാലെ എയർ ഏഷ്യയും ഓഫർ നൽകുന്നുണ്ട്. മുംബൈ-ബെംഗളുരു ദിനംപ്രതി നേരിട്ടുള്ള ഫ്ളൈറ്റിന് 1599 രൂപയാണ് നിരക്ക്. 2019 ജനുവരി 15 മുതലാണ് ഓഫർ ബാധകം.
