മുംബൈയിൽ ലോക്കൽ ട്രെയിനിൽ സീറ്റിനു വേണ്ടി തർക്കം; തമ്മിൽത്തല്ല്

മുംബൈ: മുംബൈയിൽ ലോക്കൽ ട്രെയിനിൽ സീറ്റിനു വേണ്ടിയുള്ള തർക്കത്തിന് പിന്നാലെ തമ്മിൽത്തല്ല്. സംഭവത്തിന്റെ വീഡിയോ സാമൂഹിക മാധ്യമങ്ങളിൽ വ്യാപകമായി പ്രചരിക്കുന്നുണ്ട്.

എക്സിലാണ് കൈയാങ്കളിയിൽ കലാശിച്ച സീറ്റു തർക്കത്തിന്റെ വീഡിയോ പ്രത്യക്ഷപ്പെട്ടത്. രണ്ടു പേർ തമ്മിൽ സീറ്റിനു വേണ്ടി തർക്കിക്കുന്നതും തുടർന്നുണ്ടായ ഉന്തുംതള്ളും തല്ലിൽ ചെന്നവസാനിക്കുന്നതും വീഡിയോയിൽ കാണാം.

മറ്റു യാത്രക്കാർ ചേർന്ന് ഇരുവരേയും പിടിച്ചു മാറ്റാൻ ശ്രമിക്കുന്നുമുണ്ട്. മുംബൈയിലെ തിരക്കേറിയ ലോക്കൽ ട്രെയിനുകളിലെ പതിവ് കാഴ്ച എന്ന കുറിപ്പോടെയായിരുന്നു വീഡിയോ പങ്കുവെക്കപ്പെട്ടത്.